Segundo a Lei orgánica 1/1981, do 6 de abril, pola que se aprobou o Estatuto de autonomía de

Galicia, e o Real decreto 1763/1982, do 24 de xullo, sobre o traspaso de funcións e servicios da Administración do Estado á Comunidade Autónoma de Galicia en materia de educación, correspóndenlle á Consellería de Educación e Ordenación Universitaria as competencias en materia de planificación, regulación e administración do ensino regrado.

No marco destas competencias, a Lei orgánica 1/1990, do 3 de outubro, de ordenación xeral do sistema educativo, no seu artigo 52 prevé que as persoas adultas que queiran adquirir coñecementos equivalentes á educación básica contarán cunha oferta adaptada ás súas condicións e necesidades, co propósito de actualiza-la cualificación dos cidadáns, e que aquelas persoas que teñan o título de graduado escolar poidan acceder a programas ou a centros docentes que os axuden a alcanza-la formación básica prevista na mencionada lei para a educación básica obrigatoria.

O Decreto 88/1999, do 11 de marzo (Diario Oficial de Galicia do 13 de abril), polo que se regula a ordenación xeral das ensinanzas de educación de persoas adultas e os requisitos mínimos dos centros, establece no seu artigo 11 que as ensinanzas de adultos poderán impartirse en centros ordinarios de ensino non universitario que autorice a Consellería de Educación e Ordenación Universitaria.

Por outra parte, mediante a Orde do 17 de xuño de 1999 autorizouse impartir ensinanzas de educación de adultos en certos institutos de educación secundaria.

Coa finalidade de ofertar coas necesarias garantías de calidade o novo deseño das ensinanzas de adultos de acordo coas previsións da Lei orgánica 1/1990, do 3 de outubro, de ordenación xeral do sistema educativo, e co ánimo de facilitar que se cursen ensinanzas de adultos alí onde se demandan, e que estas se poidan ofertar con apoio de medios e espacios axeitados, trasládase a oferta de ensinanzas de educación de adultos que ata o de agora se viñan impartindo en centros específicos e aulas en centros ordinarios a institutos de educación secundaria adaptados para imparti-las novas ensinanzas. En definitiva, trátase de mellora-la calidade e potencia-la oferta das ensinanzas das persoas adultas, á vez que se rendibilizan os recursos educativos existentes.

Na súa virtude, e no uso das competencias que ten atribuídas, e Consellería de Educación e Ordenación Universitaria

DISPÓN:

Primeiro.-Autoriza-lo traslado da oferta educativa que se viña impartindo nos centros e aulas de educación de adultos ós institutos de educación secundaria que se relacionan no anexo.

Segundo.-O profesorado afectado polo punto primeiro que estea adscrito de forma definitiva ós centros e aulas de educación de adultos incorporarase nas mesmas condicións ós institutos de educación secundaria que lle corresponda, impartindo as ensinanzas para as que estaba autorizado nos centros de procedencia, e así mesmo, sempre que posúa a especialidade, poderá imparti-los módulos un e dous do nivel III de educación secundaria para adultos establecido na Orde do 26 de maio de 1997.

Disposicións derradeiras

Primeira.-Autorízase a Dirección Xeral de Ordenación Educativa e Formación Profesional a dictar cantas normas sexan necesarias para o desenvolvemento da presente orde.

Segunda.-Esta orde entrará en vigor o día seguinte ó da súa publicación no Diario Oficial de Galicia.

Santiago de Compostela, 18 de xuño de 1999.

Celso Currás Fernández

Conselleiro de Educación e Ordenación

Universitaria

ANEXO

A oferta educativa dos centros e aulas de educación de adultos relacionados na primeira columna trasládase ós institutos de educación secundaria que se correspondan na segunda columna.

A Coruña:

Lugo:

Pontevedra:

Aulas de EPA en centros públicos

A Coruña:

Pontevedra: