A Comunidade Autónoma de Galicia posúe a titularidade do soar situado na avenida da Florida, 7, de Vigo, en virtude do Real decreto 3317/1982, do 24 de xullo, sobre traspaso de funcións e servicios do Estado en materia de estradas (BOE nº 291, do 4 de decembro).
Mediante o Decreto 139/1997, do 5 de xuño (DOG nº 115, do 17 de xuño), o dito inmoble desafectouse do dominio público, logo do informe favorable da Consellería de Política Territorial, Obras Públicas e Vivenda.
Por isto, unha vez adquirida a natureza patrimonial e co obxecto de posilibilita-lo seu alleamento, cómpre, segundo o establecido no artigo 24 da Lei 3/1985, do 12 de abril, do patrimonio da Comunidade Autónoma de Galicia e 60 e seguintes do seu regulamento, aprobado polo Decreto 50/1989, do 9 de marzo, proceder á declaración da súa alienabilidade.
En virtude do anterior,
DISPOÑO:
Artigo único.-Declárase a alienabilidade do inmoble que se describe a continuación:
Soar, situado no número 7 da avenida da Florida, termo municipal de Vigo (Pontevedra), dunha superficie de 157,05 m. Linda: pola fronte, coa avenida da Florida; pola dereita, co predio de Vigo Miñor, S.A.; pola esquerda, comunidade de propietarios do edificio número 1 da Avda. da Florida; polo fondo, coa avenida do Fragoso.
O inmoble descrito atópase inscrito no Rexistro da Propiedade número 3 de Vigo, no libro 605, folio 159, predio número 46.236, inscrición 1ª.
A valoración da parcela, logo da taxación correspondente, ascende a sesenta millóns oitocentas tres mil duascentas cincuenta pesetas (60.803.250 ptas.).
Santiago de Compostela, 22 de xuño de 1999.
P.D. (Orde 13-12-1993)
Emilio Álvarez Rey
Secretario xeral e do Patrimonio da Consellería
de Economía e Facenda