Por Decreto da Alcaldía, do 10 de xuño de 1999, aprobouse inicialmente o estudio de detalle tramitado por instancia de Promociones Lulosa Sarria, S.L., para a ordenación de volumes en soar situado na rúa Benigno Quiroga de Sarria, segundo o proxecto redactado polo arquitecto José Ángel Santos Ferro.
De conformidade co disposto no artigo 44.3º da Lei 1/1997, do 24 de marzo, do solo de Galicia, o citado proxecto sométese a información pública durante o período dun mes, mediante a inserción de anuncios no Diario Oficial de Galicia e nun dos xornais de maior circulación da provincia.
O prazo de exposición ó público entenderase aberto desde a primeira publicación ata o remate do mes, contados desde a derradeira publicación, atopándose a documentación ó dispor do público na secretaría do concello.
A teor do disposto no artigo 42.6º da Lei 1/1997, do 24 de marzo, este anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos, se ignore o lugar de notificación ou intentada a notificación non se puidese practicar.
Sarria, 10 de xuño de 1999.
Arturo Corral Guitián
Alcalde