A Xerencia Xeral do Complexo Hospitalario de Ourense, en virtude das atribucións que lle foron delegadas polo conselleiro de Sanidade e Servicio Sociais na Orde do 18 de marzo de 1999 (DOG nº 58, do 25 de marzo), convoca os seguintes concursos públicos:
Expediente: C.P. 10 / 1999.
Obxecto: adquisición de próteses de cadeira ( 13 lotes).
Orzamento: 24.601.339 ptas., (147.857,02 euros) (IVE incluído).
Expediente: C.P. 11 / 1999.
Obxecto: adquisición de próteses de xeonllo (6 lotes).
Orzamento: 10.054.723 ptas., (60.430,10 euros) ( IVE incluído).
Nos expedientes citados anteriormente os licitadores poderán concorrer a un, a varios ou á totalidade dos lotes que se enumeran nos pregos de prescricións técnicas.
Forma de adxudicación: procedemento aberto mediante concurso público, polo trámite urxente.
Prazo de execución: ver punto 4.2º da folla de especificacións dos pregos de cláusulas administrativas.
Admisión de variantes: ver punto 4.4º da folla de especificacións dos pregos de cláusulas administrativas.
Solvencia económica, financeira e técnica: ver punto 8 da folla de especificacións dos pregos de cláusulas administativas.
Criterios de adxudicación: ver punto 7 da folla de especificacións dos pregos de cláusulas administrativas.
Documentación de interese para os licitadores: os pregos de cláusulas administrativas particulares e demais documentación complementaria poden ser solictados no Servicio de Compras do Hospital Santa María Nai, rúa Ramón Puga, 54, ( planta soto), de Ourense, en días hábiles das 9 as 14 horas, agás sábados.
Fianzas: provisional: ver punto 9 da folla de especificacións dos pregos de cláusulas administrativas. Definitiva: 4% do importe de licitación do que sexa/n adxudicatario/s.
Presentación de proposicións: deberán ser presentadas en man, en sobres pechados e asinados polo licitador ou persoa que o represente, no rexistro xeral do Hospital Santa María Nai, antes das 14 horas do décimo terceiro día natural contado desde o seguinte ó da pulicación desta resolución no DOG. No caso de que o devandito día coincida en sábado ou festivo, o prazo de presentación finalizará o seguinte día hábil.
Apertura de proposicións: terá lugar en acto público na sala de xuntas do Hospital Santa María Nai, a partir das 9 horas do sexto día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.
Documentación que deberán achega-los licitadores: os documentos sinalados nos pregos de cláusulas administrativas particulares e de prescricións técnicas.
Anuncios: o pagamento será por conta do/s adxudicatario/s.
Ourense, 28 de xuño de 1999.
Alfonso Clemente González
Xerente xeral do Complexo Hospitalario de Ourense