Examinado o expediente instruído por instancia do titular do centro privado Asociación de Empleados y Obreros de Ferrocarril de España de Monforte de Lemos (Lugo), no que solicita autorización definitiva para a súa apertura, funcionamento e cambio de denominación.
Tendo en conta que o expediente foi tramitado pola Delegación Provincial da Consellería de Educación e Ordenación Universitaria de Lugo, e que se remite cos informes correspondentes.
Vistos a Lei 1/1990, do 3 de outubro (BOE do 4), de ordenación xeral do sistema educativo, Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias, Decreto 133/1995, do 10 de maio (DOG do 22), sobre autorización de centros docentes privados para impartiren ensinanzas de réxime xeral non universitarias e a Orde do 20 de setembro de 1995 (DOG do 15 de decembro) que o desenvolve.
Considerando que concorren no expediente os requisitos esixidos nas disposicións vixentes para poder acceder ó solicitado.
Esta consellería, por proposta da Dirección Xeral de Centros e Inspección Educativa,
DISPÓN:
Primeiro.-Autoriza-lo cambio de denominación do centro privado Asociación de Empleados y Obreros de Ferrocarril de España de Monforte de Lemos (Lugo) pasando a denominarse centro privado Ferroviario.
O cambio de denominación non afectará o réxime de funcionamento do centro.
Segundo.-Autoriza-la apertura e funcionamento do centro de educación secundaria e, como consecuencia disto, establece-la configuración definitiva dos centros existentes no mesmo edificio ou recinto escolar, segundo se especifica no anexo.
Terceiro.-Esta autorización producirá efectos progresivamente, a medida que se implanten as ensinanzas autorizadas conforme o calendario de aplicación da nova ordenación do sistema educativo.
Cuarto.-Antes do inicio das ensinanzas de educación secundaria obrigatoria que se autorizan, a delegación provincial da Consellería de Educación
e Ordenación Universitaria, logo de informe da Inspección Educativa, aprobará expresamente a relación de persoal que impartirá docencia nos ditos centros.
Quinto.-O centro de educación secundaria que por esta orde se autoriza, deberá cumpri-la Norma Básica da Edificación NBE-CPI/1996, de condicións de protección contra incendios nos edificios, aprobada por Real decreto 2177/1996, do 4 de outubro (BOE do 29). Todo isto sen prexuízo de que teñan que cumprirse outros requisitos esixidos pola normativa municipal ou autonómica.
Sexto.-Queda o centro obrigado ó cumprimento da lexislación vixente e a solicita-la oportuna revisión cando teña que modificarse calquera dos datos que sinala esta orde.
Santiago de Compostela, 8 de xuño de 1999.
P.D. (Orde 21-6-1996)
Máximo García Serrano
Secretario xeral da Consellería de Educación
e Ordenación Universitaria
ANEXO
Provincia: Lugo.
Concello: Monforte de Lemos.
Localidade: Monforte de Lemos.
Enderezo: rúa da Coruña, nº 14.
Código do centro: 27007235.
Denominación: centro privado Ferroviario.
Titular: Sociedad Cooperativa Limitada Colegio Privado Ferroviario.
Composición resultante:
a) Centro de educación infantil: 3 unidades.
b) Centro de educación primaria: 6 unidades.
c) Centro de educación secundaria: 4 unidades de educación secundaria obrigatoria.