O director-xerente de Redes de Telecomunicación Galegas, Retegal, S.A., en execución de acordo do Consello de Administración, acorda convocar proceso selectivo para a contratación da persoa que cubra o posto de traballo que a continuación se relaciona:
Nº de postos: 1.
Posto: técnico de xestión de rede.
Requisitos: enxeñeiro de telecomunicación ou físico electrónico.
A modalidade de contratación deste persoal será a de laboral fixo.
Os candidatos terán que achegar á solicitude todos aqueles documentos que acrediten os méritos que aleguen, expediente académico, currículum vitae e fotografía.
A selección dos candidatos consistirá na aplicación dun baremo, que será facilitado a quen o solicite, así como a información complementaria que considere oportunas nas dependencias da sociedade (Edificio Multiusos, baixo. 15820 San Marcos-Santiago de Compostela, teléfono 981 54 67 23.
O prazo para a presentación de solicitudes e ademais documentación será dun mes contado a partir da data de publicación no Diario Oficial de Galicia do presente acordo.
Jorge Reus García-Bedoya
Director-xerente de Retegal, S.A.