O director xerente do Complexo Hospitalario Juan Canalejo-Marítimo Oza da Coruña, en virtude das atribucións que lle foron delegadas polo artigo 7 letra j) da Orde do 21 de abril de 1998, sobre delegación de competencias en órganos centrais e periféricos do Servicio Galego de Saúde (DOG nº 88,

do 11 de maio) e coa autorización expresa prevista nesta mesma norma, unha vez cumpridos os trámites administrativos correspondentes, resolve anuncia-la licitación que a continuación se cita:

Obxecto: contratación dos servicios de desratización e desinsectación para os distintos centros do Complexo Hospitalario Juan Canalejo-Marítimo de Oza.

Orzamento: 3.300.000 ptas., (19.833,40 euros).

Garantía provisional: 66.000 ptas., (396,67 euros).

Lote 1: contratación dos servicios de desratización e desinsectación para os distintos centros do Complexo Hospitalario Juan Canalejo-Marítimo Oza.

Orzamento: 3.300.000 ptas., (19.833,40 euros).

Garantía provisional: 66.000 ptas., (396,67 euros).

1. Forma de adxudicación: concurso polo procedemento aberto. Tramitación urxente do artigo 72 da LCAP.

2. Prazo de entrega: ver prego de cláusulas administrativas particulares.

3. Admisión de variantes: os licitadores presentarán unha única oferta para o servicio, con estricta suxeición ás especificacións contidas neste prego de cláusulas administrativas particulares; no anexo I: prescripcións técnicas, e na guía do Plan DDD, cos seus anexos e rexistros, na parte desta que é aplicable á presente contratación.

4. Solvencia económica, financeira e técnica: ver prego de cláusulas administrativas particulares.

5. Criterios de adxudicación: por orde decrecente de importancia e coa ponderación que merece cada un dos puntos considerados, para a valoración das proposicións recibidas e a conseguinte resolución de adxudicación do contrato, empregaranse os seguintes criterios:

1. Sistema de actuación proposto, describindo: os productos que se van empregar, as súas características e a súa distribución; a planificación dos horarios e as actuacións; o persoal empregado, etc.; así como a posibilidade engadida dun compromiso expreso da empresa que garanta plenamente os resultados dos servicios realizados -e incluíndo para o efecto tódalas actuacións extraordinarias que se podan requirir en cada caso-: ata 4 puntos.

2. Formas e frecuencias de actuación nas diferentes áreas dos centros do Complexo Hospitalario Juan Canalejo, tendo en conta as zonas de maior risco de proliferación de pragas e a súa orixe; capacidade de resposta das empresas ós avisos por urxencias en situacións extraordinarias; servicio de asesoramento; inspeccións e procedementos de control establecidos sobre o grao de calidade dos servicios prestados: ata 4 puntos.

3. Prezo ofertado para o servicio: ata 2 puntos.

6. Documentos de interese para os licitdores: o prego de cláusulas administrativas particulares e demais documentación complementaria poden ser

solicitados no Servicio de Contratación do complexo hospitalario (planta terceira do edificio do Hotel de Pacientes, anexo ó Hospital Juan Canalejo), As Xubias de Arriba, 84, 15006 A Coruña, en días laborables desde as 9 ás 14 horas. Teléfono: 981 17 80 73. Fax: 981 17 80 32.

7. Presentación de proposicións: as proposicións deberanse presentar en man, en sobres pechados e asinadas polo licitador ou persoa que o represente, no rexistro xeral deste Complexo Hospitalario Juan Canalejo (planta baixa do Hospital Juan Canalejo), antes das 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia, ou mandadas por correo, dentro do prazo sinalado.

8. Apertura das proposicións: terá lugar na sala de xuntas da Xerencia do complexo hospitalario (planta baixa do Hotel de Pacientes), a partir das 10 horas do décimo primeiro día natural contado desde o seguinte a aquél no que remate o prazo de presentación de ofertas. No caso de que o dito día coincida en sábado ou festivo, a apertura de proposicións terá lugar o primeiro día hábil seguinte.

9. Documentación que deberán presenta-los licitadores: os documentos que figuran no prego de cláusulas administrativas particulares.

10. Anuncios: os anuncios do presente concurso serán por conta do adxudicatario do contrato.

A Coruña, 22 de xuño de 1999.

Jesús Caramés Bouzán

Director xerente do Complexo Hospitalario

Juan Canalejo-Marítimo Oza da Coruña