Realizadas entre os días 7 e 17 de xuño as probas do segundo exercicio do proceso selectivo para a elaboración do Catálogo de Expertos da Xunta de Galicia en materia de formación profesional ocupacional, regulado na orde da Consellería de Familia e Promición do Emprego, Muller e Xuventude do 30 de outubro de 1998, publicada no Diario Oficial de Galicia número 228, do 24 de novembro de 1998, e despois da súa corrección.
En cumprimento das fases da elaboración previstas na base terceira da citada Orde do 30 de outubro de 1998,
ACÓRDASE:
Publica-las notas obtidas polos aspirantes que se presentaron ás devanditas probas.
Convoca-los aspirantes que superasen a nota mínima de 10 puntos no segundo exercicio á realización da entrevista os días 5, 6 e 7 de xullo de acordo co calendario que estará exposto nos lugares indicados no parágrafo seguinte.
As listas coas notas e o calendario da entrevista estarán expostas nas delegacións provinciais da Consellería de Familia e Promoción do Emprego, Muller e Xuventude, así como na Consellería da Presidencia e Administración Pública e nas oficinas comarcais da Xunta de Galicia.
Santiago de Compostela, 24 de xuño de 1999.
Juan Manuel Cotanda Bueno
Presidente da Comisión de Selección