Visto pola Sección Segunda da Sala do Contencioso-Administrativo do Tribunal Superior de Xustiza de Galicia o recurso contencioso-administrativo número 02/4588/1995, interposto polo avogado do Estado, contra acordo da Comisión Provincial de Urbanismo de Pontevedra, do 20 de setembro de 1990, sobre aprobación definitiva das normas sub

sidiarias de planeamento do Concello de Ribadumia (Pontevedra), dictouse a sentencia 1320/1997, do 13 de novembro, pola que se estimaba o dito recurso, que foi declarada firme por auto do Tribunal Supremo do 8 de febreiro deste ano.

Polo tanto, de conformidade co disposto nos artigos 103 e seguintes da Lei 29/1998, do 13 de xullo, reguladora da xurisdición contencioso-administrativa, e co fin de levar a puro e debido efecto a dita sentencia, este departamento resolve darlle publicidade á parte dispositiva da sentencia número 1320/1997, do 13 de novembro, que a seguir se transcribe:

«Decidimos que debemos estimar e estimámo-lo recurso contencioso-administrativo interposto polo avogado do Estado, contra a resolución da Comisión Provincial de Urbanismo de Pontevedra, do 20 de setembro de 1990, pola que se lle dá aprobación definitiva ás normas subsidiarias de planeamento do Concello de Ribadumia (Pontevedra); anulamos esta resolución por ser contraria a dereito, sen facer especial condena en custas».

Santiago de Compostela, 9 de xuño de 1999.

P.D. (Orde 13-12-1993)

José Antonio Fernández Vázquez

Secretario xeral da Consellería de Política

Territorial, Obras Públicas e Vivenda