Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Manuel Carabelos Estévez.
Enderezo social: José Antonio 15, 36780 A Guarda.
Denominación: L.M.T. e C.T. Panascos-Figueiró.
Situación: Tomiño.
Descricións técnicas: L.M.T., aérea, a 20 kV, de 259 m de lonxitude, con conductor tipo LA-30, sobre apoios de formigón, desde a L.M.T. que alimenta o matadoiro frigorífico baixo Miño, propiedade de Unión Fenosa, ata o C.T. que se proxecta en Panascos-Figueiró, concello de Tomiño. C.T. de 50 KVA, relación de transformación 20 KV-398/230 V.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve,
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.
Contra a presente resolución poderá interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución;
tamén poderá interpoñer calquer outro recurso que estime pertinente o seu dereito.
Pontevedra, 25 de maio de 1999.
Carmen Bianchi Valcarce
Delegada provincial de Pontevedra