Examinado o expediente nº 26/99, relativo ó proxecto de expropiación forzosa dos bens e dereitos afectados na UE-4 do PERI do núcleo histórico de Ourense para a construcción de vivendas de protección oficial, promovido polo Instituto Galego de Vivenda e Solo para os efectos que determina o artigo 145.6º da Lei 1/1997, do 24 de marzo, do solo de Galicia (DOG nº 59, do 26 de marzo) e a Orde do 19 de agosto de 1997 pola que se delegan atribucións en materia de urbanismo nos delegados provinciais (DOG nº 166, do 29 de agosto).

RESOLVO:

Primeiro.-Aprobar definitivamente o proxecto de expropiación forzosa dos bens e dereitos afectados na UE-4 do PERI do núcleo histórico de Ourense, necesarios para construcción de vivendas de protección oficial de Ourense, promovido polo Instituto Galego de Vivenda e Solo polo procedemento de taxación conxunta previstos nos artigos 145 e seguintes da Lei 1/1997, do 24 de marzo, do solo de Galicia (DOG nº 59, do 26 de marzo) facendo constar que a presente resolución implicará a declaración de urxencia da ocupación dos bens e dereitos afectados polo proxecto de expropiación de conformidade co establecido no artigo 146.1º da Lei 1/1997, do 24 de marzo.

En consecuencia, o pagamento ou depósito do importe da valoración establecida producirá os efec

tos previstos nos nº 6, 7 e 8 do artigo 52 da Lei de expropiación forzosa, sen prexuízo de que continúe a tramitación do procedemento para a definitiva fixación do prezo xusto (artigo 146.2º da Lei 1/1997, do 24 de marzo).

Segundo.-Notifica-la resolución aprobatoria do expediente a tódolos interesados titulares dos bens e dereitos que figuran nel, conferíndolles un tempo de vinte días durante o cal poderán manifestar por escrito ante esta delegación provincial a súa disconformidade coa valoración establecida no expediente aprobado, conforme dispón o artigo 145 punto 7º da Lei 1/1997, do 24 de marzo, advertíndolles que transcorrido o citado prazo sen que se formulase oposición á valoración, entenderase aceptada a que se fixou no acto aprobatorio do expediente, entendéndose determinado o prezo xusto definitivamente e de conformidade co artigo 145 punto 8º da Lei 1/1997, do 24 de marzo.

Terceiro.-Publica-lo presente acordo no DOG así coma os seguintes bens e dereitos afectados polo proxecto de expropiación:

Así mesmo, a publicación desta resolución servirá de notificación ós propietarios descoñecidos, dos que se ignore o lugar de notificación, ou ben tramitada a notificación non se puidera realizar. Todo isto de acordo co disposto no artigo 59.4º da Lei 4/1999, de modificación da Lei 30/1992, do 26 de novembro, do réxime xurídico das administracións públicas e do procedemento administrativo común (BOE do 14 de xaneiro de 1999).

Contra a citada resolución, que é definitiva en vía administrativa, cabe interpoñer con carácter potestativo o recurso de reposición ante este mesmo órgano, no prazo dun mes contado a partir do día seguinte ó da notificación desta resolución, ou recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da notificación desta resolución. En todo caso non se poderá interpoñer recurso contencioso-administrativo ata que sexa resolto expresamente ou se producise a desestimación presunta do recurso de reposición.

Ourense, 20 de maio de 1999.

José Elier Ojea Ureña

Delegado provincial de Ourense