Como consecuencia fundamentalmente da nova estructura orgánica dos departamentos da Xunta de Galicia, establecida polo Decreto 351/1997, do 10 de decembro, e da Lei 6/1998, do 29 de decembro, de orzamentos xerais da Comunidade Autónoma de Galicia para 1999, producíronse variacións na clasificación económica do orzamento de gastos que afecta ás comprendidas no anexo da Orde do 8 de abril de 1994 pola que se actualizan as aplicacións orzamentarias comprendidas na Orde do 26 de febreiro de 1993, que regula a expedición de ordes de pagamento para xustificar.

Polo exposto e co obxecto de actualiza-las aplicacións orzamentarias incluídas no anexo da citada orde,

DISPOÑO:

Artigo único.-Como anexo a esta orde relaciónanse os tipos de gasto e conceptos orzamentarios con cargo ós cales poderán emitirse ordes de pagamento para xustificar.

Disposición derradeira

Esta orde entrará en vigor o día seguinte ó da súa publicación no Diario Oficial de Galicia.

Santiago de Compostela, 14 de xuño de 1999.

José Antonio Orza Fernández

Conselleiro de Economía e Facenda

ANEXO

1. Con carácter xeral:

Capítulo II. «Gastos en bens correntes e servicios», coa excepción do concepto 227. «Traballos realizados por outras empresas».

Capítulo IV. «Transferencias correntes», unicamente o artigo 48 «A familias e institucións sen fins de lucro», coas limitacións sinaladas no artigo 12 da Orde do 26 de febreiro de 1993 (DOG do 8 de marzo).

2. Con carácter particular: