De conformidade co disposto no artigo 105 da Lei 230/1963, do 28 de decembro, xeral tributaria, segundo a redacción dada pola Lei 66/1997, do 30 de decembro, de medidas fiscais, administrativas e da orde social, relaciónase a apertura dun expediente sancionador pendente de notificar, despois de intentada a notificación persoal por dúas veces, e emprázase o interesado que se sinala no anexo para ser notificado por comparecencia.
O acto foi adoptado polo Servicio de Inspección da Delegación Territorial da Consellería de Economía e Facenda de Lugo en aplicación do artigo 77 e seguintes da Lei xeral tributaria.
A comparecencia deberá efectuarse no prazo de dez días, contados desde o seguinte ó da publicación deste anuncio, perante o servicio sinalado no parágrafo anterior, con enderezo na Ronda da Muralla 70-1ª planta, Lugo, en horario de 9 a 14 horas, de luns a venres.
Transcorrido o dito prazo sen efectuarse a comparecencia, a notificación entenderase producida desde o día seguinte ó do vencemento do prazo sinalado para comparecer.
Lugo, 10 de maio de 1999.
Gonzalo Vázquez Rivas
Delegado territorial de Lugo
ANEXO
Interesado: López Pérez, José María (33.305.758-X); r/ Porvenir 22-Sarria (Lugo).
Procedemento: imposto sobre transmisións patrimoniais e actos xurídicos documentados; apertura de expediente sancionador.