Por acordo da Xunta de Goberno do 22-12-1998 creouse o Centro de Posgrao, Terceiro Ciclo e Formación Continua no que se integra a tramitación administrativa que antes só correspondía ó terceiro ciclo.
Por resolución do 14 de setembro de 1998 (DOG do 6 de outubro) aprobouse o Regulamento de rexistros da Universidade de Santiago de Compostela, no que figura como rexistro auxiliar o Rexistro de Terceiro Ciclo.
Dado o cambio da estructura organizativa operada pola creación do Centro de Posgrao, Terceiro Ciclo e Formación Continua, procede a modificación da denominación no Regulamento do rexistro para adecualo á nova estructura. Por todo o anterior, este rectorado resolveu
Modificar en parte o artigo 16 do Regulamento dos rexistros da USC onde di:
«Considéranse rexistros auxiliares da Universidade de Santiago de Compostela os seguintes:
-O do Terceiro Ciclo, situado na Casa dos Catedráticos, campus sur Santiago».
Debe decir:
«Considéranse rexistros auxiliares da Universidade de Santiago de Compostela os seguintes:
-O do Centro de Posgrao, Terceiro Ciclo e Formación Continua, situado na Casa dos Catedráticos, campus sur Santiago».
A presente modificación entrará en vigor o día seguinte ó da súa publicación no Diario Oficial de Galicia.
Santiago de Compostela, 3 de xuño de 1999.
F. Darío Villanueva Prieto
Rector da Universidade de Santiago de Compostela