O Concello de Nigrán, por acordo plenario do 27 de maio de 1999, aprobou definitivamente, en virtude da delegación prevista na Lei 7/1995, do Parlamento de Galicia, a proposta de modificación das normas subsidiarias de planeamento, relativa á ordenanza 13, coa indicación de que a nova ordenanza non implica modificación do réxime de protección establecido na Lei de costas.

Por aplicación do previsto no artigo 48 da Lei 1/1997, do solo de Galicia, a eficacia do referido acto de aprobación definitiva e a entrada en vigor da modificacióon aprobada quedan condicionadas á recepción do expediente pola consellería competente e á publicación da ordenanza segundo o establecido na lexislación de réxime local.

A citada resolución pon fin á vía administrativa polo que contra ela cabe interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde a publicación deste anuncio. Todo isto sen prexuízo de que se poida exercer, se é o caso, calquera outro recurso que se considere procedente.

Nigrán, 3 de xuño de 1999.

José Villar Pereira

Alcalde