Aprobado inicialmente, en sesión plenaria do 30-12-1998 o Plan Especial de Reforma Interior de Desenvolvemento da UG-1 O Pombal, expúxose ó público no DOG do 11-2-1999, polo prazo dun mes, durante o que se formularon diversas alegacións. Sometidas estas a resolución da Corporación, en sesión que tivo lugar o día 30-4-1999, foron aceptadas algunhas, que introducen modificacións substanciais no documento.
Na súa consecuencia, e en cumprimento do disposto polo artigo 43 da Lei 1/1997, do solo de Galicia, ábrese un novo período de información pública, polo prazo dun mes, durante o que poderá ser examinado o expediente e formularse contra el cantas alegacións ou observacións se consideren pertinentes.
Cambados, 12 de maio de 1999.
José Manuel Cores Tourís
Alcalde