Por resolución da Dirección Xeral de Persoal do 24 de maio de 1999 (DOG do 3 de xuño) nomeáronse os tribunais encargados de xulga-las probas do concurso-oposición a ingreso no corpo de mestres, así como a adquisición de novas especialidades.
Téndose producido a renuncia dalgúns dos membros titulares e suplentes, nomeados pola devandita resolución, por existir motivos de abstención, previstos no artigo 28 da Lei 30/1992, do 26 de novembro, de réxime xurídico das administracións públicas e do procedemento administrativo común ou por outras causas debidamente xustificadas, e co fin de posibilitar que tódolos tribunais funcionen coa totalidade dos seus membros,
RESOLVO:
Artigo único.-Modifica-la resolución da Dirección Xeral de Persoal do 24 de maio de 1999 (DOG do
3 de xuño), nomeando o membro que se indica no anexo para integra-lo tribunal que nel se sinala.
Santiago de Compostela, 10 de xuño de 1999.
Jaime García García
Director xeral de Persoal
ANEXO
A Coruña.
Tribunal nº 1 de educación física.
Vocal titular: Jesús Delso Sanz, mestre especialista en educación física.
Vocal suplente: Óscar Lamiño Canedo, mestre especialista en educación física.