En cumprimento do establecido na Lei de Galicia 10/1996, do 5 de novembro, de actuación de entes e empresas nas que ten participación maioritaria a Xunta de Galicia, en materia de persoal e contratación, e de conformidade co acordo adotado polo Padroado da Fundación para o Desenvolvemento da Comarca de Verín o día 9 de febreiro de 1999, convócanse probas de selección para cubrir, baixo a modalidade de contratación indefinida, unha praza de xerente para facerse cargo da xestión da dita fundación.
As condicións específicas do contrato de traballo así como as funcións que vai realiza-lo xerente da fundación estarán a disposición dos interesados na sede da Sociedade para o Desenvolvemento Comarcal de Galicia, sita na estrada Santiago de Compostela-Noia km 3. A Barcia (Santiago de Compostela). Teléfono: 981 54 26 08.
I. Requisitos xerais:
-Ter nacionalidade dun país membro da Unión Europea.
-Ser maior de 18 anos.
-Acreditar grao de licenciado ou equivalente.
-Acreditar, como mínimo, un ano de experiencia profesional en desenvolvemento local ou comarcal, na categoría profesional de licenciado ou equivalente.
II. Coñecementos que se requiren:
a. Coñecementos específicos:
-As regulacions e normativas legais que afectan o modelo de desenvolvemento comarcal.
-Metodoloxías e planificación estratéxica do desenvolvemento comarcal.
-Xestión e coñecemento de programas de desenvolvemento local e creación de emprego.
-Xestión e administración de fundacións de interese galego e de institucións sen finalidade de lucro.
-Estructura social e económica da comarca de Verín.
b. Coñecementos complementarios:
-Acredita-lo coñecemento da lingua galega.
-Posuír e acredita-lo coñecemento de informática a nivel deusuario.
III. Documentación que hai que presentar:
-Fotocopia DNI.
-Currículum vitae xunto coa documentación orixinal ou fotocopia compulsada que acredite os coñecementos, a titulación requirida, os méritos e a experiencia profesional.
-Solicitude dirixida ó presidente da fundación, segundo o anexo I.
IV. Lugar e prazo de presentación:
-As solicitudes presentaranse nas dependencias da Sociedade Anónima para o Desenvolvemento Comarcal de Galicia, situada na estrada Santiago de Compostela-Noia, km. 3. A Barcia. 15896 Santiago de Compostela.
-O prazo de presentación será de 20 días naturais contados a partir do día seguinte ó da publicación destas bases no Diario Oficial de Galicia.
V. Comisión de selección.
A comisión de selección estará formada polos seguintes membros:
-Presidente: Andrés Precedo Ledo, presidente do padroado da fundación.-Secretario: Juan M. Jiménez Morán, vicepresidente do padroado da fundación.
Vocais:-José Mª Soriano Villalba, xefe de Asuntos Económicos da SDC.-José Figueroa Dávila, xefe de Acción Comarcal da SDC.-Rosario Álvarez Cao, xefa de Planificación e Estudios da SDC.
VI. Proceso de selección:
1. Expirado o prazo de presentación de solicitudes, a comisión de selección publicará as listas previas de admitidos e excluídos, co motivo da exclusión, se é o caso; establecése un prazo de cinco días hábiles para que, por petición do interesado, se poida reparar calquera erro que sexa emendable. Esgotado este prazo, publicaranse as listas definitivas de admitidos e excluídos e fixaranse o lugar e a data de celebración da proba de coñecementos. Os candidatos deberán asistir provistos do DNI. Estas listas publicaranse no taboleiro de anuncios da Sociedade para o Desenvolvemento Comarcal de Galicia.
2. As probas de selección consistirán en:
a) Proba escrita tipo test de coñecementos específicos sobre os contidos que se recollen no punto II a). A puntuación máxima que se poderá acadar nesta proba é de 10 puntos. Os candidatos que non acaden a puntuación de 5 puntos nesta proba quedarán automaticamente eliminados.
b) Proba oral sobre experiencia profesional en desenvolvemento territorial/local e sobre coñecementos con base na temática recollida nos puntos II.a e II.b destas bases. Os cinco candidatos que obteñan maior puntuación e que ademais superen a proba escrita serán convocados á proba oral. Os candidatos convocados deberán responder, durante un máximo de 30 minutos, ás preguntas que, sobre os citados contidos, lles formulen os membros da comisión de selección. A puntuación máxima que se poderá acadar nesta proba é de 5 puntos.
Unha vez valoradas as probas anteriores, a comisión de selección publicará no taboleiro de anuncios da Sociedade para o Desenvolvemento Comarcal de Galicia os resultados definitivos, con indicación expresa do candidato seleccionado.
Santiago de Compostela, 23 de marzo de 1999.
Andrés Precedo Ledo
Presidente do padroado da Fundación para o Desenvolvemento da Comarca de Verín
ANEXO I
D./Dna. ..., con DNI ..., en virtude da convocatoria da praza de xerente da Fundación de Verín
SOLICITA:
Participar no proceso selectivo para cubrir unha praza de xerente convocada pola Fundación para o Desenvolvemento da Comarca de Verín mediante anuncio público desta fundación no DOG nº ... con data ... . Para tal fin xúntase documentación conforme o recollido nas bases da citada convocatoria.
En Santiago de Compostela, .......... de ........................ de 1999.
Asdo.: ...
Presidente do padroado da Fundación para o Desenvolvemento da Comarca de Verín.