Eu, Camilo J. García Puertas Magariños, secretario do Xulgado do Social número dous de Santiago de Compostela, fago saber que neste xulgado se seguen os autos arriba mencionados, promovidos por Belén Duro Rodríguez, nos que se acordou citar por edictos a demandada en paradoiro descoñecido, Silvia Moure Abalo, para que o día 23 de xuño, ás 9.25 horas, compareza na sala de audiencia deste xulgado ós actos de conciliación e xuízo previstos para esa data. Advírteselle que a súa incomparecencia inxustificada non impedirá a realización dos devanditos actos, que continuará o procedemento o seu curso e que as seguintes comunicacións que se lle deban facer se realizarán nos estrados deste xulgado, agás as que deban revesti-la forma de auto ou sentencia ou se trate de emprazamento. Tamén se lle advirte de que pode comparecer ou defenderse persoalmente ou por medio de representante designado mediante poder cumprido, mediante comparecencia perante este xulgado ou o de primeira instancia ou de

paz do seu domicilio; e de que deberá acudir con tódolos medios de proba de que intente valerse. Comunícaselle tamén que as copias da demanda e documentos que con ela se achegan están á súa disposición na secretaría deste xulgado.

Ademais, requírese a devandita demandada para que o día dos actos de conciliación e xuízo achegue os seguintes documentos: o libro de matrícula, os boletíns de cotización e recibos de salario. Igualmente, cítase o representante legal da demandada para que o día sinalado compareza perante este xulgado co obxecto de prestar confesión xudicial.

E para que se publique no DOG e lle sirva de notificación, citación e requirimento ó demandado Silvia Moure Abalo, expido, selo e asino este edicto en Santiago de Compostela o 26 de maio de 1999.

O secretario

Rubricado