Nesta delegación provincial séguese expediente sancionador número P-7/1999, contra María Teresa Mezquita Pereira, titular do establecemento denominado Bar Salceda e a empresa operadora Recreativos Iglesias, S.A. por presunta infracción da Lei 14/1985, do 23 de outubro, no que se resolveu, de conformidade co disposto no artigo 59.4º da Lei 30/1992, do 26 de decembro, de réxime xurídico das administracións públicas e do procedemento administrativo común, publica-lo acordo de inciación e mais do prego de cargos, por resultar descoñecido o domicilio de María Teresa Mezquita Pereira.
Acordo apertura.
O director xeral do Interior, por delegación do conselleiro de Xustiza, Interior e Relacións laborais, con data 17 de febreiro de 1999 adoptou o seguinte acordo:
1º Incoar expediente sancionador, conforme o establecido na Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar:
-Á empresa operadora Recreativos Iglesias, S.A.
-Ó titular ou responsable do establecemento María Teresa Mezquita Pereira, DNI 22.070.640.
2º Nomear instructora e secretaria respectivamente, a:
-Juan Girón Astray e Clara Eugenia García Bermúdez.
Prego de cargos.
1º Te-la empresa operadora Recreativos Iglesias, S.A., instalada o día 17 de xuño de 1998, no establecemento denomiando Bar Salceda sito en r/ Subida a Paraixal, número 57 do concello de Vigo, do que é titular María Teresa Mezquita Pereira, DNI número 22.070.640, dúas máquinas recreativas, unha tipo A, modelo A-1538, serie 91-2258, guía de circulación número 900848-A e autorización de explotación GA-P-30569 e outra tipo B, modelo 2000, seire 96-213, guía de circulación número 1309627 e autorización de explotación GA-P-5194. As devanditas máquinas carecen dos boletíns de instalación.
2º Tales feitos poderían constituír infracción moi grave ou grave tipificada no artigo 28 e seguintes da Lei 14/1985, do 23 de outubro, (reguladora dos xogos e apostas de Galicia), modificada pola Lei 7/1991, do 19 de xuño (de tributación sobre o xogo, disposición adicional terceira).
O que se notifica de acordo co disposto no artigo 7 da Lei 34/1987, do 26 de decembro, de potestade sancionadora da administración pública en materia de xogos de sorte, envite ou azar, dispoñendo o interesado dun prazo de oito días a partir do seguinte ó da publicación desta notificación, para que poida presentar prego de descargos, no que poderá solicita-lo recibimento a proba do expediente na forma previda no apartado 2. b) do devandito precepto legal.
Pontevedra, 10 de maio de 1999.
Juan Girón Astray
Instructor