Por resolución desta alcaldía do 29 de abril de 1999, prestouse aprobación definitiva o proxecto de urbanización da rúa paralela a Padre Crespo, promovido por Promociones Rodríguez Couñago, S.L., de acordo co proxecto inicialmente aprobado visado polo Colexio Oficial de Enxeñeiros de Camiños, Canles e Portos de Galicia con data do 16 de marzo de 1998.

Contra esta resolución, que esgota a vía administrativa, poderase interpoñer, con carácter potestativo, recurso de reposición ante o alcalde, no prazo dun mes contado a partir do seguinte día a aquel en que teña lugar a publicación deste anuncio no Diario Oficial de Galicia, ou recurso contencioso-administrativo diante da Sala do Contencioso-Administrativo do Tribunal Superior de Xustiza de Galicia, no prazo de dous meses computados de idéntico xeito; sen prexuízo de que poida exercerse, se é o caso, calquera outro recurso que se considere procedente.

O que se fai público de conformidade co establecido no artigo 141.4º do Regulamento de planeamento.

Redondela, 29 de abril de 1999.

Amado Ricón Virulegio

Alcalde