Visto o Decreto 145/1999, da Consellería de Xustiza, Interior e Relacións Laborais da Xunta de Galicia do 7 de maio de 1999, publicado no Diario Oficial de Galicia nº 97, do 24 de maio de 1999, polo que se declara a urxente ocupación dos bens comprendidos no procedemento de expropiación forzosa que se segue por mor da obra rexeneración ambiental de praias de Pantín, Baleo e Meirás, T.M. de Valdoviño e no cumprimento do que dispón a regra 2ª do artigo 52 da Lei de expropiación forzosa do 16 de decembro de 1954 e 56 do seu regulamento do 26 de abril de 1957, faise saber ós titulares dos predios incluídos no referido proxecto, que os días trinta (30) de xuño (titulares de predios en Baleo)

e un (1) de xullo (titulares de predios en Pantín-Rodo e Meirás), das 10 ás 14 horas, se levantarán as actas previas á ocupación no salón de sesións da casa do concello, sen prexuízo do traslado ós predios obxecto de expropiación.

Ó citado acto asistirán persoalmente ou ben representados por persoa debidamente autorizada para actuar no seu nome, presentando os documentos acreditativos da súa titularidade: DNI e o último recibo da contribución, podéndose acompañar pola súa conta, se o consideran oportuno, dos seus peritos e notario.

Así mesmo, e en cumprimento do establecido no artigo 56 do regulamento da Lei de expropiación forzosa, ábrese información pública durante o prazo de quince días hábiles, contados a partir do seguinte ó da publicación desta resolución no DOG ou ata o momento do levantamento das actas previas á ocupación correspondente, co fin de que os interesados poidan formular, por escrito, ante o Concello de Valdoviño, as alegacións que consideren oportunas, co fin de emendar posibles erros xurdidos ó relaciona-los bens afectados pola urxente ocupación.

Valdoviño, 25 de maio de 1999.

Elisa Garrido Cantarero

Alcaldesa

Actas previas á ocupación: Baleo

Día: 30-6-1999 Hora: das 10 ás 14

Actas previas á ocupación: Pantín-Meirás

Día: 1-7-1999 Hora: das 10 ás 14