Nesta delegación provincial séguese expediente sancionador número P-8/99, contra Fernando Martínez López, titular do establecemento denominado Mesón Urogallo e a empresa operadora Máquinaria Automática del Noroeste, S.A. por presunta infracción da Lei 14/1985, do 23 de outubro, no que se resolveu, de conformidade co disposto no artigo 59.4º da Lei 30/1992, do 26 de decembro, de réxime xurídico
das administracións públicas e do procedemento administrativo común, publica-lo acordo de iniciación e mais do prego de cargos, por resultar descoñecido o domicilio de Fernando Martínez López.
Acordo apertura.
O director xeral de Xustiza e Interior, por delegación do conselleiro de Xustiza, Interior e Relacións Laborais, con data do 17 de febreiro de 1999 adoptou o seguinte acordo:
1. Incoar expediente sancionador, de acordo co establecido na Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar:
Á empresa operadora Maquinaria Automática del Noroeste, S.A.
Ó titular ou responsable do establecemento Fernando Martínez López, DNI 35.452.815.
2. Nomear instructora e secretaria del respectivamente a:
Juan Girón Astray e
Clara Eugenia García Bermúdez.
Prego de cargos.
1. Te-la empresa operadora Maquinaria Automática del Noroeste, S.A., o día 5 de agosto de 1998, no establecemento denominado Mesón Urogallo sito en r/ Rivero de Aguilar, número 5 do Concello de Vilagarcía de Arousa, do que é titular Fernando Martínez López, DNI número 35.452.815, dúas máquinas recreativas, unha tipo A, modelo A-211, serie VS-4795, guía de circulación número 620172-U e autorización de explotación GA-P-23696 e, outra máquina tipo B modelo B-2043, serie 98-4645, guía de circulación número 1388950 e autorización de explotación GA-P-1802. A máquina tipo A carece de boletín de instalación e a máquina de tipo B carece da pegatina da taxa fiscal de xogo do presente ano.
2. Tales feitos poderían constituír infracción moi grave ou grave tipificada no artigo 28 e seguintes da Lei 14/1985, do 23 de outubro, (reguladora dos xogos e apostas de Galicia), modificada pola Lei 7/1991, do 19 de xuño (de tributación sobre o xogo, disposición adicional terceira).
O que se notifica de acordo co disposto no artigo 7 da Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar, dispoñendo o interesado dun prazo de oito días a partir do seguinte ó da publicación desta notificación, para que poida presentar prego de descargos, no que poderá solicita-lo recibimento a proba do expediente na forma previda no punto 2.b) do devandito precepto legal.
Pontevedra, 27 de abril de 1999.
Juan Girón Astray
Instructor