De conformidade coa proposta elevada pola comisión constituída para xulga-lo concurso convocado por resolución desta universidade do 1 de xullo de 1998 (BOE do 21) para a provisión da praza de profesora titular de universidade, da área de coñecemento de tecnoloxía dos alimentos (Lugo), do departamento de Química Analítica, Nutrición e Bromatoloxía, da Universidade de Santiago de Compostela, a favor de Olga Díaz Rubio, tendo en conta que o interesado cumpre os requisitos a que alude o punto 2º do artigo 5 do Real decreto 1888/1984, do 26 de setembro.

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Olga Díaz Rubio, profesora titular de universidade da área de coñecemento de tecnoloxía dos alimentos (Lugo), do departamento de Química Analítica, Nutrición e Bromatoloxía, da Universidade de Santiago de Compostela.

Santiago de Compostela, 30 de abril de 1999.

Darío Villanueva Prieto

Rector da Universidade de Santiago de Compostela