O Pleno da Corporación, na sesión extraordinaria de 18 de maio de 1999, en relación coa modificación puntual do PXOU, por maioría absoluta acordou o seguinte:
a) Aprobar definitivamente a modificación puntual do Plan Xeral de Ordenación Urbana de Celanova entre as casas baratas e o campo de fútbol municipal, coa finalidade de incluír unha reserva de solo con destino á edificación de vivendas de protección oficial e reaxusta-las zonas verdes e de uso dotacional, así como das vías de sistemas xerais.
b) Cumpri-los demais trámites previstos na Lei 7/1995, do 29 de xuño, e na Lei 1/1997, do 24 de marzo, do solo de Galicia.
O que se fai público de conformidade co disposto no artigo 48.2º da devandita Lei 1/1997, do 24 de marzo, do solo de Galicia.
Contra o acto de aprobación definitiva poderase interpor recurso contencioso-administrativo perante a Sala do Contencioso-Administrativo do Tribunal
Superior de Xustiza de Galicia, no prazo de dous meses, contados desde o día seguinte ó da publicación deste anuncio no Diario Oficial de Galicia.
Celanova, 19 de maio de 1999.
O alcalde
Rubricado