Visto o expediente para outorgamento de autorización administrativa e aprobación do proxecto de execución da instalación eléctrica que se describe:
Solicitante: Hidroeléctrica de Laracha, S.L.
Domicilio social: r/ Tte. Xral. Gómez Zamalloa, 9-1º, 15000 A Coruña.
Denominación: L.M.T. a C.T. Pedreira-Lemaio.
Situación: Laracha.
Características técnicas: liña eléctrica aérea de media tensión, a 20 kV, sobre apoios de formigón e con conductor LA-56, de 540 m de lonxitude, con orixe na liña Braña Grande-Lemaio (expediente 51400) e remate no C.T. Pedreira-Lemaio, que se vai instalar. Centro de transformación aéreo, sobre apoio de formigón, de 50 kVA e tensións de 15-20/0,380-0,220 kV en Pedreira-Lemaio. Laracha.
Cumpridos os trámites ordenados na Lei 54/1997, do 27 de novembro, e nos capítulo III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.
Contra a presente resolución poderá interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquer outro recurso que estime pertinente o seu dereito.
A Coruña, 23 de abril de 1999.
Manuel Estévez Mengotti
Delegado provincial da Coruña en funcións