Por medio desta cédula e en cumprimento do disposto no artigo 60 da Lei 30/1992, do 26 de novembro, en relación co artigo 13 do Real decreto 1398/1993, do 4 de agosto, que aproba o Regulamento do procedemento para o exercicio da potestade sancionadora, notifícaselles ós interesados as propostas dos correspondentes expedientes sancionadores, cos números que se indican, por non destina-la vivenda a domicilio habitual e permanente do beneficiario, causa prevista no artigo 5.c da Lei 13/1996, do 30 de decembro, de infraccións en materia de vivenda.
A dita infracción a instructora do expediente propón a sanción de multa de 500.000 ptas, sen prexuízo da obriga de destina-la vivenda a domicilio habitual e permanente.
Conforme o establecido no artigo 19 do Regulamento de procedemento para o exercicio da potestade sancionadora, dáse traslado ós interesados concedéndolles un prazo de 15 días para formular alegacións en trámite de audiencia e presenta-los documentos e informacións que estimen pertinentes. A presente proposta non é susceptible de recurso.
E para que conste e lles sirva de notificacións ós interesados de enderezo descoñecido en cumprimento do disposto no artigo 1.17º da Lei 4/1999, do 13 de xaneiro, que modifica a de 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo esta cédula na Coruña, 20 de abril de 1999.
Mª Teresa Morán Calero
Xefa da Área Provincial da Coruña
ANEXO
VP-C 51/1998.
Carolina Badía Benzano
Avda. Castelao, 25- baixo dereita, Caranza (Ferrol).