A Consellería de Cultura, Comunicación Social e Turismo unha vez cumpridos os trámites administrativos correspondentes, resolveu anuncia-la licitación, mediante procedemento aberto por concurso e trámite de urxencia, das seguintes contratacións:
1. Rehabilitación da igrexa de Santo Estevo, A Rúa (Ourense).
-Orzamento de licitación: trece millóns oitocentas setenta e nove mil cincocentas sesenta e dúas pesetas (13.879.562 ptas.), IVE incluído.
-Prazo de execución: tres (3) meses.
-Garantía provisional: non se esixe.
-Clasificación do contratista: grupo K, subgrupo 7, categoría c.
2. Remate e acondicionamento final para a posta en funcionamento do Teatro Coliseo-Noela, Noia (A Coruña).
-Orzamento de licitación: sesenta millóns de pesetas (60.000.000 de ptas.), IVE incluído.
-Prazo de execución: quince (15) días.
-Garantía provisional. un millón duascentas mil pesetas (1.200.000 ptas.).
-Clasificación do contratista: non se esixe.
Exposición da documentación: os pregos de cláusulas administrativas e os proxectos estarán de manifesto no Servicio de Obras e Contratación da Consellería de Cultura, Comunicación Social e Turismo, e nas delegacións provinciais durante o prazo de presentación de proposicións, de 10 a 14 horas, e no teléfono 981 58 89 38.
Prazo de presentación de proposicións: será ata as 14 horas do décimo terceiro día natural, contado a partir do día seguinte ó da publicación da presente resolución no DOG.
Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se cursan por correo, haberá de aterse ó previsto na cláusula 7.2 do prego de cláusulas administrativas particulares.
Documentación que presentarán os licitadores: a establecida na cláusula 7 do prego de cláusulas administrativas particulares. Os licitadores que se presenten a máis dunha contratación deberán presentar toda a documentación para cada un dos contratos.
Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na sala de xuntas da Consellería de Cultura, Comunicación Social e Turismo.
Se coincidise en sábado ou festivo, terá lugar o inmediato día hábil seguinte á mesma hora.
O importe do anuncio do presente concurso será por conta dos adxudicatarios.
Santiago de Compostela, 7 de maio de 1999.
P.D. (Orde 15-12-1997)
Andrés González Murga
Secretario xeral da Consellería de Cultura,
Comunicación Social e Turismo