A Fundación Foro Permanente Gallego e Iberoamericano de la Salud ten nas súas instalacións mobiliario propiedade do Servicio Galego de Saúde que lle é necesario para o desenvolvemento da súa actividade, polo que se considera pertinente proceder á cesión de uso deses bens.
Para tal fin o Servicio Galego de Saúde tramitou o expediente de cesión de uso de conformidade co
disposto no artigo 35 bis da Lei 3/1985, do 12 de abril, do patrimonio da Comunidade Autónoma galega, e no artigo 96 bis do seu regulamento, aprobado polo Decreto 50/1989, do 9 de marzo, engadido polo Decreto 238/1998, do 24 de xullo (DOG nº 156, do 13 de agosto).
Por todo o exposto e en uso das facultades que me confire o artigo 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro,
DISPOÑO:
Artigo 1º
Acórdase a cesión de uso a favor da Fundación Foro Permanente Gallego e Iberoamericano de la Salud dos bens mobles que se relacionan no anexo.
Artigo 2º
A cesión queda sometida ás seguintes cláusulas:
a) Os bens cedidos destinaranse á actividade da fundación para a execución dos fins de interese xeral establecidos no artigo 6 dos seus estatutos.
b) A cesión outórgase por un período máximo de cinco anos prorrogable por períodos sucesivos de igual duración se así o acordase o Servicio Galego de Saúde, logo da petición da fundación.
c) Se os bens cedidos non se aplicasen ó fin sinalado dentro do prazo inicialmente fixado no acordo ou deixasen de estalo con posterioridade, se se descoidasen ou utilizasen con grave quebrantamento, ou se incumprisen as condicións do acordo, considerarase resolta a cesión e os bens reverterán ó Servicio Galego de Saúde, que terá dereito a percibir, logo de taxación pericial, o valor dos detrimentos ou deterioracións que experimentasen.
d) O Servicio Galego de Saúde poderá comproba-lo cumprimento da obrigas que leva implícitas a cesión.
Artigo 3º
A cesión formalizarase mediante acta subscrita polo secretario xeral do Sergas e o director da fundación, e deberá constar nela o acordo de cesión e a aceptación do cesionario.
Disposición derradeira
O Servicio Galego de Saúde, a través da Secretaría Xeral e da División de Recursos Económicos, no marco das súas respectivas competencias, realizará os trámites necesarios para a efectividade de canto se dispón na presente orde.
Santiago de Compostela, 21 de abril de 1999.
José María Hernández Cochón
Conselleiro de Sanidade e Servicios Sociais
e presidente do Servicio Galego de Saúde
ANEXO
Relación de bens
Nº Uds. Artigo Marca Modelo
8511
8423
Smoking
2075 SN
2476 A
2045 SR
2125 A
2476 A
Flowers1 Mesa de cerdeira 200x198x74, con á pegada Archiutti Eko
1 Caixoneira con rodas a xogo Archiutti Eko
1 Librería de 4 módulos, 2 con portas baixas e 2 con portas baixas e portas altas e cristal, 359x43x156 Archiutti Eko
1 Butaca dirección, tapizado en napel negro Kron Lauro
6 Butaca confidente, 4 patas, tapizada a xogo Kron Lauro
1 Mesa reunións, en cerdeira, 118x74 Archiutti Eko
1 Bandexa sobremesa en pel Vilagrasa Fil
1 Papeleira Vilagrasa Fil
1 Colgadoiro-paragüeiro, en aceiro negro Vilagrasa Ocean
1 Lámpada de sobremesa Carpyen Tema
1 Mesa madeira, con faldón, á e bloque rodante 263x82x74 Archiutti Volo
1 Librería de 2 módulos, de portas baixas e un módulo pechado para roueiro 225x42x195 Archiutti Volo
1 Butaca dirección, tapizada en courtisane Rovo Rovofun
2 Cadeira confidente, de 4 patas, a xogo coa anterior Rovo Rovofun
1 Escribanía, de factopel Vilagrasa Corolle
2 Bandexa de correspondencia amoreable - -
1 Gobelete de sobremesa - C-30
1 Papeleira - -
1 Lámpada de sobremesa Fase Nutria
1 Mesa informática, en faia, con bloque rodante, 160x80/200x60 Archiutti 9-27
2 Librería con portas plenas e andeis 134x48x202 Archiutti 9-27
2 Cadeira xiratoria, respaldo contacto permanente, tapizado Rovo Rovofun
4 Cadeira confidente, 4 patas con apoiabrazos, a xogo coa anterior Rovo Rovofun
1 Mesa informática, en faia, provista dun bloque extensión de altura de mesa 160x80/120x60 Archiutti 9-27
2 Mesa de xuntas con taboleiro ovalado 236x118x73 Archiutti Volo
16 Cadeira, 4 patas con apoiabrazos tapizada Rovo Rovofun
1 Bancada de 3 prazas e dúas mesas cantoneiras, asentos tapizados e mesas de madeira - -
1 Paragüeiro M-114 Platea
2 Cinceiro-papeleira de aluminio cromado M-114 Arena
4 Cinceiro de sobremesa M-114 Krupa
4 Papeleira metálica, negra Ma-Of 100
2 Xardineira 100x25x35 con rega automática Hobby
Florada