O Consello de Administración da Autoridade Portuaria de Vilagarcía de Arousa, na súa sesión do 22 de febreiro de 1999, ó entender que concorren circunstancias que o fan conveniente e sen prexuízo de que o Consello de Administración poida avocar para si mesmo calquera función que a lexislación lle atribúe, acordou atribuírlle ó director da Autoridade Portuaria de Vilagarcía de Arousa a facultade de paraliza-las obras de concesións cando exista causa que así o xustifique.
As resolucións que se adopten no exercicio desta delegación de facultades notificaránselle ó interesado con indicación da dita circunstancia e consideraranse dictadas polo órgano delegante.
O que se publica en cumprimento do disposto no artigo 13.3º da Lei 30/1992, do 26 de novembro, de réxime xurídico das administracións públicas e do procedemento administrativo común.
Manuel Bouzas Moure
Presidente da Autoridade Portuaria de Vilagarcía
de Arousa