Por Orde do 6 de abril de 1995 (DOG do 12 de maio) regúlase o procedemento para admisión do alumnado no bacharelato e ciclos formativos de grao medio en centros sostidos con fondos públicos.

A Orde do 22 de maio de 1998 (DOG do 1 de xullo) regula a admisión de alumnado nos ciclos formativos de formación profesional específica de grao superior, en centros sostidos con fondos públicos.

A Orde do 23 de maio de 1998 (DOG do 1 de xullo) regula as probas de acceso ós ciclos formativos de graos medio e superior de formación profesional específica e de artes plásticas e deseño.

As disposicións derradeiras destas ordes autorizan a Dirección Xeral de Ordenación Educativa e Formación Profesional a dicta-las instruccións necesarias para o desenvolvemento e aplicación do previsto nelas.

Na súa virtude, esta dirección xeral

RESOLVE:

Primeiro.-Acceso ós ciclos formativos de grao medio.

1. Terá acceso directo ós ciclos formativos de grao medio o alumnado que cumpra algún dos requisitos seguintes:

a) Estar en posesión do título de graduado en educación secundaria obrigatoria.

b) Estar en posesión do título de técnico auxiliar.

c) Estar en posesión do título de técnico.

d) Ter aprobado o 21 curso do bacharelato unificado polivalente (BUP).

e) Ter superado o segundo curso do primeiro ciclo experimental da reforma das ensinanzas medias.

f) Ter superados, das ensinanzas de artes aplicadas e oficios artísticos, o terceiro curso do Plan de 1963 (Decreto 2127/1963, do 24 de xullo, BOE do 6 de novembro), ou o segundo de comúns de experimental (Decreto 179/1988, do 7 de xullo, DOG do 18).

g) Ter superados outros estudios declarados equivalentes para efectos académicos con algún dos anteriores.

2. Así mesmo, poderá acceder ós ciclos formativos de grao medio aquel alumnado que, non reunindo algún dos requisitos especificados no punto anterior, supere a proba de acceso definida na Orde do 23 de maio de 1998 para aquelas persoas que estean nalgunha das condicións indicadas no punto noveno da citada orde.

Segundo.-Acceso ós ciclos formativos de grao superior.

1. Terá acceso directo ós ciclos formativos de grao superior o alumnado que cumpra algún dos requisitos seguintes:

a) Posuí-lo título de bacharelato establecido na Lei orgánica 1/1990, do 3 de outubro, de ordenación xeral do sistema educativo.

b) Ter superado o segundo ciclo de calquera modalidade de bacharelato experimental.

c) Ter superado o curso de orientación universitaria ou preuniversitario.

d) Posuí-lo título de técnico especialista, técnico superior ou equivalente para efectos académicos.

e) Estar en posesión dunha titulación universitaria ou equivalente.

2. Así mesmo, poderán acceder ós ciclos formativos de grao superior aquelas persoas que, non reunindo os requisitos indicados no punto anterior, superen a proba de acceso definida na Orde do 23 de maio de 1998. Para poder concorrer a esta proba será preciso ter cumpridos 20 anos na data de realización dela.

Terceiro.-Incompatibilidade.

As persoas que reúnan requisitos académicos que posibiliten o acceso directo non poderán presentarse ás probas de acceso a ciclos formativos. De facelo quedarán excluídas delas.

Cuarto.-Paso de módulos profesionais a ciclos formativos.

Naqueles centros nos que se implante un ciclo formativo en substitución dun módulo profesional, o alumnado que non obtivese avaliación positiva no módulo poderá incorporarse ó ciclo que o substitúa, segundo as equivalencias que se establecen no anexo I desta resolución, nas seguintes condicións:

1. Se, como consecuencia da avaliación, o alumno ou alumna debía repeti-lo módulo na súa totalidade, deberá cursa-lo ciclo formativo integramente.

2. O alumnado que obteña avaliación negativa e non estea nas circunstancias indicadas no punto anterior deberá cursa-lo ciclo formativo correspondente na súa totalidade, aínda que poderá solicitar da Dirección Xeral de Ordenación Educativa e Formación Profesional a validación dalgúns dos módulos do ciclo, en función das áreas superadas anteriormente. Estas solicitudes serán resoltas individualizadamente, logo do informe da inspección educativa, á vista do informe do titor do ciclo no que deberá concretarse en qué medida a competencia profesional asociada a un módulo do ciclo foi conseguida na área superada. Estas solicitudes deberán presentarse antes do 15 de outubro de 1999 na secretaría do centro.

Quinto.-Distribución de prazas nos centros.

Nos centros sostidos con fondos públicos, a distribución das prazas dispoñibles para cursar cada ciclo formativo realizarase conforme o seguinte:

1. O 20% das prazas reservaranse para aqueles solicitantes que, non reunindo os requisitos académicos para o acceso directo, acrediten que superaron a proba de acceso definida na Orde do 23 de maio de 1998.

2. As prazas restantes reservaranse para aquel alumnado que reúna os requisitos establecidos para o acceso directo.

3. As porcentaxes establecidas nos puntos anteriores son acumulables entre si; se non hai suficiente alumnado para cubri-las prazas de acceso directo, as sobrantes acumúlanse ás previstas para acceso mediante proba; así mesmo, se non hai suficiente alumnado que acceda mediante proba de acceso, as prazas sobrantes acumúlanse ás previstas para acceso directo. Procederase a efectua-la acumulación das prazas vacantes unha vez concluído o proceso de escolarización efectuado respectivamente polas comisións provinciais e autonómica.

4. No caso de ciclos formativos de grao superior, reservarase o 3% do total das prazas que se oferte de cada ciclo para aqueles alumnos con necesidades educativas especiais asociadas a discapacidade física, motora ou sensorial, de acordo co establecido na Orde do 23 de maio de 1998.

Sexto.-Solicitude e proceso de admisión a ciclos formativos de grao medio.

As solicitudes para cursar ciclos formativos de formación profesional específica de grao medio nos centros sostidos con fondos públicos, así como o procedemento de admisión do alumnado, realizarase de acordo coa Orde do 6 de abril de 1995 (DOG do 12 de maio). O modelo de solicitude xúntase como anexo II da referida orde.

1. Cando o número de solicitudes para acceso directo sexa superior ó número de prazas dispoñibles, a selección dos aspirantes realizarase por aplicación dos criterios de baremación indicados no anexo I da citada Orde do 6 de abril de 1995.

2. Cando superen a proba de acceso máis persoas que prazas dispoñibles, a súa selección realizarase por aplicación dos criterios de baremación indicados no anexo I da antedita Orde do 6 de abril de 1995.

Sétimo.-Solicitude e proceso de admisión a ciclos formativos de grao superior.

As solicitudes para cursar ciclos formativos de formación profesional específica de grao superior nos centros sostidos con fondos públicos, así como o procedemento de admisión de alumnado, realizarase de acordo coa Orde do 22 de maio de 1998. O modelo de solicitude xúntase como anexo I á referida orde.

1. Cando o número de solicitudes para acceso directo sexa superior ó número de prazas dispoñibles, aplicaranse os criterios de prioridade indicados no punto sexto da Orde do 22 de maio de 1998.

2. No proceso de admisión a ciclos formativos de grao superior, cando o número de solicitantes procedentes da proba de acceso sexa superior ó número de prazas que se oferta, aplicarase a seguinte orde de prioridade:

a) Maior puntuación na proba.

b) De persisti-lo empate, por sorteo público.

Oitavo.-Probas de acceso.

a) A ciclos formativos de grao medio:

Acreditará que o aspirante posúe coñecementos e habilidades suficientes para cursar con aproveitamento estas ensinanzas. É común para tódolos ciclos formativos de grao medio e así se fará constar na certificación. O seu contido atenderá ós aspectos sociocultural e científico-tecnolóxico da educación secundaria obrigatoria:

-Parte sociocultural:

Comprensión e expresión de textos escritos con propiedade, autonomía e creatividade en galego e en castelán.

Coñecemento da historia, xeografía e actitudes da nosa tradición e patrimonio cultural, así como análise dos mecanismos e valores que rexen o funcionamento das sociedades.

-Parte científico-tecnolóxica:

Resolución de problemas nos campos das matemáticas e da tecnoloxía, mediante procedementos de razoamento lóxico.

Realización de exercicios que utilicen códigos científicos e técnicos. Aplicacións do desenvolvemento científico e tecnolóxico e a súa incidencia no medio físico e social.

b) A ciclos formativos de grao superior:

Consta, á vez, de dúas partes:

-Parte xeral: o aspirante deberá acredita-la madurez en relación cos obxectivos do bacharelato, fundamentalmente en contidos procedementais do campo de:

Lingua galega e literatura.

Lingua castelá e literatura.

Lingua estranxeira (opción inglés ou francés).

Matemáticas: sobre contidos comúns ás matemáticas e ás matemáticas aplicadas ás ciencias sociais.

-Parte específica: o aspirante deberá acredita-la súa capacidade referente ó campo profesional de que se trate para os ciclos formativos relacionados na segunda columna do anexo II desta resolución, na que están asociados pola súa afinidade na formación profesional de base. Esta parte avaliará os coñecementos en relación coas materias que se indican na primeira columna do citado anexo. O aspirante elixirá a opción que lle permita o acceso ó ciclo formativo que desexe cursar dentro dos ofertados nesta Comunidade Autónoma.

Noveno.-Exencións das probas de acceso.

1. Proba selectiva de acceso a ciclos formativos de grao medio.

As comisións avaliadoras poderán eximir, de acordo co establecido no punto noveno.c) da Orde do 23 de maio de 1998, dalgunha das partes que compoñen a proba de acceso ó alumnado que teña superado un programa de Garantía Social e solicite a exención. A exención non poderá ser, en ningún caso, pola totalidade da proba.

Así mesmo, poderán quedar exentas, total ou parcialmente, da proba de acceso ós ciclos de grao medio, nos termos previsto no punto décimo primeiro da citada orde, as persoas que acrediten ter superadas totalmente as probas de acceso á universidade para maiores de 25 anos.

2. Proba de acceso a ciclos formativos de grao superior.

Nos termos previstos na Orde do 23 de maio de 1998, poderán quedar exentas da parte xeral desta proba as persoas que acrediten ter superadas totalmente as probas de acceso á universidade para maiores de 25 anos; e da parte específica, as persoas que acrediten, polo menos, un ano de experiencia laboral en campos profesionais que se correspondan cos estudios que pretenden cursar.

Décimo.-Períodos de inscrición e calendario de celebración das probas.

1. A inscrición para as probas de acceso ós ciclos formativos de grao medio ou de grao superior entregarase no centro docente elixido en primeira opción, do 10 de maio ó 4 de xuño, ámbolos dous inclusive, segundo os modelos dos anexos VIII e IX, para os ciclos de grao medio e superior respectivamente, recollidos na Orde do 23 de maio de 1998.

2. As direccións dos centros entregarán á inspección educativa da provincia, antes do día 8 de xuño, a relación de persoas inscritas para realiza-las probas, así como no caso daquelas que solicitaron a exención dalgunha das partes a documentación relativa a elas.

3. Antes do 16 de xuño as delegacións provinciais da Consellería de Educación e Ordenación Universitaria comunicarán a tódolos centros docentes, para que o fagan público no taboleiro de anuncios, a relación de centros públicos nos que se realizarán as probas.

4. As probas de acceso ós ciclos formativos serán elaboradas pola Consellería de Educación e Ordenación Universitaria de acordo co establecido na Orde do 23 de maio de 1998.

5. As probas de acceso a ciclos formativos de graos medio e superior celebraranse o día 23 de xuño de 1999, no horario que se indica a continuación:

a) Ciclos formativos de grao medio:

* Das 9.30 ás 11.30 horas: parte científico-tecnolóxica.

* Das 12 ás 14 horas: parte sociocultural.

b) Ciclos formativos de grao superior:

Parte xeral da proba:

* Das 9.30 ás 11.30 horas: lingua galega e literatura, lingua española e literatura e lingua estranxeira (francés ou inglés).

* Das 12 ás 13.30 horas: matemáticas.

Parte específica da proba:

* Iniciarase ás 16 horas; o aspirante realizará os exercicios da opción vinculada ó ciclo formativo para o que solicitou a proba de acceso, segundo o anexo II desta resolución. A duración máxima de cada exercicio desta parte será de 2 horas.

Décimo primeiro.-Validez da certificación de superación da proba.

Para facilita-la mobilidade do alumnado, a certificación que se obteña trala superación da proba de acceso ós ciclos formativos de graos medio ou superior de formación profesional específica, regulada na Orde do 23 de maio de 1998, terá validez como requisito de acceso ós ciclos formativos especificados no anexo II desta resolución. A certificación de ter superada a proba terá validez como requisito de acceso en todo o Estado, mantendo a súa vixencia sempre que non se modifique o título e as ensinanzas correspondentes ó ciclo formativo.

Décimo segundo.-Inscrición, matrícula e constitución de grupos.

a) Aspectos xerais:

1. Antes do 10 de maio, as delegacións provinciais, a través do Servicio de Inspección, comunicarán ós centros docentes a oferta de ciclos formativos autorizados para o curso 1999-2000.

2. Os centros tomarán as medidas oportunas para que do 15 ó 30 de maio o seu alumnado poida formaliza-la reserva de praza nos ciclos de grao medio que se impartan neles.

3. Antes do 16 de xuño, os centros publicarán no taboleiro de anuncios o número de prazas vacantes de cada ciclo formativo.

4. O alumnado que teña acceso directo realizará a súa inscrición do 17 de xuño ó 2 de xullo, no centro elixido como primeira opción, segundo o modelo do anexo II da Orde do 6 de abril de 1995 (DOG do 12 de maio) para os ciclos de grao medio e segundo o modelo incluído como anexo I na Orde do 22 de maio de 1998, para os ciclos de grao superior.

b) Matrícula das persoas que accederon por proba:

1. O resultado das probas de acceso a ciclos formativos deberá facerse público antes do 28 de xuño nos centros onde se desenvolveron. Así mesmo, expedirase a acreditación ó alumnado que superou as

referidas probas, segundo o modelo que figura nos anexos IV e V da Orde do 23 de maio de 1998.

2. Antes do 2 de xullo, as persoas que superaron a proba entregarán nos centros elixidos en primeira opción a devandita acreditación de tela superada.

3. Antes do 15 de xullo exporase nos taboleiros de anuncios dos centros a relación de alumnado que solicitou acceso mediante proba, ordenado de maior a menor puntuación, obtida no caso dos ciclos formativos de grao medio segundo se recolle no punto sexto desta resolución e para os de grao superior no apartado sétimo desta resolución.

4. O alumnado que obteña praza poderá formaliza-la matrícula do 15 ó 30 de xullo. De non matricularse neste período entenderase que renuncia á praza.

c) Matrícula das persoas con acceso directo:

1. Os centros farán públicas, antes do 15 de xullo, as listas de persoas que reúnan requisitos académicos para acceso directo a cada un dos ciclos formativos. Estarán ordenadas, de maior a menor puntuación, aplicando os procedementos de baremación indicados nos puntos sexto e sétimo desta resolución.

2. O alumnado que obteña praza poderá formaliza-la matrícula do 15 ó 30 de xullo. De non matricularse neste período entenderase que renuncia á praza.

d) Período de matrícula extraordinario:

Poderán matricularse do 1 ó 14 de setembro só aqueles alumnos ós que non lles foi posible, de acordo coa normativa vixente, matricularse no prazo ordinario.

e) Finalización do proceso:

1. A documentación do alumnado que non obtivo praza no centro, ben por acceso directo ou mediante proba, e solicitaba ademais outros estudios ou centros, será entregada na delegación provincial antes do día 18 de setembro. Nese mesmo momento os centros comunicarán á delegación provincial o número de prazas vacantes, se é o caso, polas quendas de acceso directo ou mediante proba.

2. As comisións de escolarización provinciais publicarán, en tódolos casos, as oportunas resolucións antes do día 23 de setembro, na delegación provincial e nos centros docentes, a relación de alumnado admitido para cursar un determinado ciclo, tanto por acceso directo como a través de proba, debendo formaliza-la súa matrícula no prazo que para tal efecto establezan os propios centros.

3. De existir vacantes nalgún dos ciclos formativos, unha vez rematado o proceso de escolarización indicado anteriormente, as delegacións provinciais formularán, se é o caso, proposta á Dirección Xeral de Ordenación Educativa e Formación Profesional, de convocar con carácter extraordinario probas de acceso para cubri-las vacantes existentes.

4. A matrícula para cursar ciclos formativos nos centros privados formalizarase antes do día 30 de setembro.

5. A non formalización da matrícula nos prazos estipulados nos puntos anteriores, salvo causas debidamente xustificadas, implicará a perda do dereito a acceder a estas ensinanzas no curso 1999-2000.

6. Para cada ciclo formativo constituirase, con carácter xeral, un único grupo de alumnos por centro. O número de alumnos de cada grupo do ciclo formativo será comunicado pola delegación provincial correspondente ós centros educativos antes do 30 de maio e dependerá das características pedagóxico-didácticas e das posibilidades das instalacións e medios de cada ciclo e centro en particular, e non deberá superar en ningún caso os 30 alumnos. Calquera modificación destes límites requirirá autorización previa e expresa da delegación provincial da Consellería de Educación e Ordenación Universitaria.

Disposicións derradeiras

Primeira.-De acordo co establecido no punto décimo da Orde do 22 de maio de 1998, o prazo para resolve-las reclamacións presentadas contra as resolucións dos consellos escolares, das comisións de escolarización ou da inspección educativa será como máximo de dous días.

Segunda.-Esta resolución entrará en vigor o mesmo día da súa publicación no Diario Oficial de Galicia e será de aplicación para o curso 1999-2000.

Santiago de Compostela, 14 de abril de 1999.

José Luis Mira Lema

Director xeral de Ordenación Educativa

e Formación Profesional

ANEXO I

MÓDULO PROFESIONAL	CICLO FORMATIVO QUE O SUBSTITÚE

EXPLOTACIÓNS AGROPECUARIAS	EXPLOTACIÓNS AGRARIAS EXTENSIVAS
HORTICULTURA	EXPLOTACIÓNS AGRÍCOLAS INTENSIVAS
	TRABALLOS FORESTAIS E DE CONSERVACIÓN DO MEDIO NATURAL
INSTALACIÓNS E MANTEMENTO DE XARDÍNS XARDINEIRO PRODUCTOR DE PLANTAS	XARDINERÍA
APROVEITAMENTOS FORESTAIS E CONSERVACIÓN DA NATUREZA	XESTIÓN E ORGANIZACIÓN DOS RECURSOS NATURAIS E PAISAXÍSTICOS
INSTALADOR/MANTEDOR ELÉCTRICO	EQUIPOS E INSTALACIÓNS ELECTROTÉCNICAS
OPERADOR DE MÁQUINAS FERRAMENTAS	MECANIZADO
ADMINISTRACIÓN E XESTIÓN	XESTIÓN ADMINISTRATIVA
ADMINISTRACIÓN DE EMPRESAS	ADMINISTRACIÓN E FINANZAS
COMERCIO EXTERIOR	COMERCIO INTERNACIONAL
EDUCADOR INFANTIL	EDUCACIÓN INFANTIL
MANTEMENTO EN INSTALACIÓNS E SERVICIOS AUXILIARES	MANTEMENTO E MONTAXE DE INSTALACIÓNS DE EDIFICIO E PROCESO
AUXILIAR DE ENFERMERÍA	COIDADOS AUXILIARES DE ENFERMERÍA
SISTEMAS AUTOMÁTICOS E PROGRAMABLES	SISTEMAS DE REGULACIÓN E CONTROL AUTOMÁTICOS
MANTEMENTO E OPERACIÓN TÉCNICA DE EQUIPO DE R.T.V	SISTEMAS DE TELECOMUNICACIÓN E INFORMÁTICOS
INSTALACIÓNS E MANTEMENTO DE EQUIPOS DE FRÍO E CALOR	MONTAXE E MANTEMENTO DE INSTALACIÓNS DE FRÍO, CLIMATIZACIÓN E PRODUCCIÓN DE CALOR
ACTIVIDADES FÍSICAS E ANIMACIÓN DEPORTIVA	ANIMACIÓN DE ACTIVIDADES FÍSICAS E DEPORTIVAS
OPERACIÓNS DE IMAXE E SON	-IMAXE -SON

MÓDULO PROFESIONAL	CICLO FORMATIVO QUE O SUBSTITÚE

REALIZACIÓN, PRODUCCIÓN E OPERACIÓNS DE PROGRAMAS	-REALIZACIÓN DE AUDIOVISUAIS E ESPECTÁCULOS -PRODUCCIÓN DE AUDIOVISUAIS, RADIO E ESPECTÁCULOS
FABRICACIÓN MECÁNICA	PRODUCCIÓN POR MECANIZADO
REPRODUCCIÓN FOTOMECÁNICA	PREIMPRESIÓN EN ARTES GRÁFICAS

ANEXO II

RELACIÓN DE CICLOS FORMATIVOS DE GRAO SUPERIOR ÓS

QUE DÁ ACCESO A SUPERACIÓN DA PROBA SEGUNDO A PARTE

ESPECÍFICA REALIZADA

MATERIA DA PARTE ESPECÍFICA DA PROBA	CICLOS FORMATIVOS

-CIENCIAS DA TERRA E DO AMBIENTE E -BIOLOXÍA	-XESTIÓN E ORGANIZACIÓN DE EMPRESAS AGROPECUARIAS -XESTIÓN E ORGANIZACIÓN DE RECURSOS NATURAIS E PAISAXÍSTICOS -SAÚDE AMBIENTAL
-QUÍMICA E -BIOLOXÍA	-PRODUCCIÓN ACUÍCOLA
-BIOLOXÍA	-ESTÉTICA -ANATOMÍA PATOLÓXICA E CITOLOXÍA -DIETÉTICA -DOCUMENTACIÓN SANITARIA -HIXIENE BUCODENTAL -IMAXE PARA O DIAGNÓSTICO -RADIOTERAPIA -LABORATORIO DE DIAGNÓSTICO CLÍNICO
-QUÍMICA	-DESENVOLVEMENTO E FABRICACIÓN DE PRODUCTOS CERÁMICOS -FABRICACIÓN E TRANSFORMACIÓN DE PRODUCTOS DE VIDRO
-FÍSICA	-IMAXE -REALIZACIÓN DE AUDIOVISUAIS E ESPECTÁCULOS -SON
-DEBUXO TÉCNICO	-ORTOPROTÉSICA -PRÓTESES DENTAIS -PATRONAXE -DESEÑO E PRODUCCIÓN EDITORIAL -DESENVOLVEMENTO DE PROXECTOS URBANÍSTICOS E OPERACIÓNS TOPOGRÁFICAS
-DEBUXO TÉCNICO E -TECNOLOXÍA INDUSTRIAL	-NAVEGACIÓN, PESCA E TRANSPORTE MARÍTIMO -PRODUCCIÓN EN INDUSTRIAS DE ARTES GRÁFICAS -DESENVOLVEMENTO DE PROXECTOS MECÁNICOS -PRODUCCIÓN POR FUNDICIÓN E PULVIMETALURXIA -PRODUCCIÓN POR MECANIZADO -DESENVOLVEMENTO DE PRODUCTOS EN CARPINTERÍA E MOBLE -PRODUCCIÓN DE MADEIRA E MOBLE -PROCESOS DE CONFECCIÓN INDUSTRIAL -PROCESOS TÉXTILES DE FIADURA E TECEDORÍA DE CALADA -PROCESOS TÉXTILES DE TECEDORÍA DE PUNTO
-DEBUXO TÉCNICO E -MECÁNICA	-DESENVOLVEMENTO E APLICACIÓN DE PROXECTOS DE CONSTRUCCIÓN -REALIZACIÓN E PLANOS DE OBRA -CONSTRUCCIÓNS METÁLICAS
-ELECTROTECNIA E -TECNOLOXÍA INDUSTRIAL	-DESENVOLVEMENTO DE PROXECTOS DE INSTALACIÓNS DE FLUÍDOS, TÉRMICAS E DE MANTEZA -MANTEMENTO DE EQUIPO INDUSTRIAL -MANTEMENTO E MONTAXE DE INSTALACIÓNS DE EDIFICIO E PROCESO
-ELECTROTECNIA E MECÁNICA	-SUPERVISIÓN E CONTROL DE MÁQUINAS E INSTALACIÓNS DO BUQUE -AUTOMOCIÓN -MANTEMENTO AEROMECÁNICO
-ELECTROTECNIA	-DESENVOLVEMENTO DE PRODUCTOS ELECTRÓNICOS -INSTALACIÓNS ELECTROTÉCNICAS -SISTEMAS DE REGULACIÓN E CONTROL AUTOMÁTICOS -SISTEMAS DE TELECOMUNICACIÓN E INFORMÁTICOS -MANTEMENTO DE AVIÓNICA
-QUÍMICA E -TECNOLOXÍA INDUSTRIAL	-INDUSTRIA ALIMENTARIA
-QUÍMICA E -TECNOLOXÍA INDUSTRIAL E -FÍSICA	-INDUSTRIAS DE PROCESO DE PASTA E PAPEL -INDUSTRIAS DE PROCESO QUÍMICO
-QUÍMICA E FÍSICA E -BIOLOXÍA	-ANÁLISES E CONTROL -FABRICACIÓN DE PRODUCTOS FARMACÉUTICOS E AFÍNS -QUÍMICA AMBIENTAL
-DEBUXO TÉCNICO E -TECNOLOXÍA INDUSTRIAL E -QUÍMICA	-PLÁSTICOS E CAUCHO -PROCESOS DE ENNOBRECEMENTO TÉXTIL -CURTIDOS
-ECONOMÍA E ORGANIZACIÓN DE EMPRESAS	-ADMINISTRACIÓN E FINANZAS -COMERCIO INTERNACIONAL -XESTIÓN COMERCIAL E MÁRKETING -XESTIÓN DO TRANSPORTE -SERVICIOS Ó CONSUMIDOR -RESTAURACIÓN -ALOXAMENTO -PRODUCCIÓN DE AUDIOVISUAIS, RADIO E ESPECTÁCULOS
-ECONOMÍA E ORGANIZACIÓN DE EMPRESAS E -SEGUNDA LINGUA ESTRANXEIRA	-SECRETARIADO
-HISTORIA DO MUNDO CONTEMPORÁNEO	-ASESORÍA DE IMAXE PERSOAL
-XEOGRAFÍA E -HISTORIA DA ARTE	-INFORMACIÓN E COMERCIALIZACIÓN TURÍSTICA
-XEOGRAFÍA E -ECONOMÍA E ORGANIZACIÓN DE EMPRESAS	-AXENCIAS DE VIAXES