Para os efectos previstos no artigo 53 da Lei 54/1997, do sector eléctrico, dos decretos 2617/1968, 2617/1966, 2366/1994, do Ministerio de Industria e Enerxía, do Decreto 205/1995, no artigo 25.3º da Lei 10/1995, de ordenación do territorio de Galicia, da Lei 2/1998, do 8 de abril, na súa disposición adicional terceira, de medidas tributarias, réxime orzamentario, función pública, patrimonio, organización e xestión, do Decreto 327/1991, do 4 de outubro, de avaliación de efectos ambientais para Galicia, do Decreto 442/1990, do 13 de setembro, de avaliación do impacto ambiental para Galicia, e acordo do 1-10-1997, da Xunta de Galicia, sobre a autorización de instalacións eléctricas, de aproveitamento da enerxía eólica, sométese a información pública, para a autorización administrativa, declaración de utilidade pública, que implicará a urxente ocupación dos bens e dereitos afectados, aprobación do proxecto sectorial urbanístico e declaración de efectos ambientais as instalacións

eléctricas que se citan:

-Solicitante: Energías Ambientales, S.A.

-Domicilio social: r/ José Luis Bugallal Marchesi, 10-1º, 15008 A Coruña.

-Denominación: parque eólico Monte Villalbesa.

-Situación: Concello das Somozas (A Coruña).

Características técnicas:

-Potencia que se vai instalar: 22,2 MW.

-Superficie afectada: 766 ha.

-Coordenadas:

V (590.180,4.819.640)V (589.970,4.818.460)

V (585.961,4.825.153)V (592.941,4.819.244)

V (590.489,4.821.921).

-37 aeroxeradores, Mod. ecotecnia 44/600, de 44 m de diámetro e 600 kW de potencia c/u.

-37 transformadores de 630 kVA c/u e con tensións de 0,69/20 kV.

-Rede eléctrica subterránea de tensión, a 20 kV con conductor R.H.V. 12/20 kV e 3 (1x150) mm Al, interconectando os transformadores e a subestación eléctrica.

-Ampliación dos aparellos para cabinas, cadros de medición, centros de control para as intalacións a 132 kV e a 20 kV da subestación eléctrica.

O que se fai público para coñecemento xeral e especialmente dos propietarios e demais titulares afectados dos que se insire relación no anexo desta resolución, así como as persoas que sendo titulares de dereitos reais ou intereses económicos sobre os bens afectados fosen omitidos, para que poidan examina-lo expediente no que constan as características e afeccións derivadas do proxecto nesta delegación provincial, situada no edificio administrativo Monelos s/n, 15008 A Coruña, e presenta-las alegacións oportunas no prazo de 30 días, contados desde o seguinte ó da última publicación desta resolución.

Así mesmo, o estudio ambiental correspondente ás instalacións do parque eólico Monte Villalbesa poderanse examinar nas dependencias da Dirección Xeral de Industria, Dirección Xeral de Calidade e Avaliación Ambiental, Delegación Provincial da Consellería de Medio Ambiente na Coruña e Concello das Somozas (A Coruña) podendo presentarse cantas alegacións se consideren pertinentes ante a

Delegación Provincial da Consellería de Industria e Comercio da Coruña, dentro do mesmo prazo sinalado no parágrafo anterior. Finalizando o dito prazo, o expediente, xunto coas alegacións recibidas, remitiranse á Dirección Xeral de Calidade e Avaliación Ambiental.

Esta públicación realizaráse igualmente para os efectos determinados polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e deste xeito dirixir ó Ministerio Fiscal as dilixencias que se produzan destes, de conformidade co artigo 5 da Lei de expropiación forzosa, do 16 de decembro de 1995.

A Coruña, 26 de abril de 1999.

Jesús Espada Martínez

Delegado provincial da Coruña

ANEXO

Parque eólico de Monte Villalbesa

Relación de propietarios, bens e dereitos afectados

Concello: As SomozasProvincia: A Coruña