Visto o expediente de caducidade instruído, en relación co permiso de actividade da granxa mariña sita en Chapela, Redondela (Pontevedra), da que é titular Pescanova, S.A.
Resultando que con data do 28-11-1997, Enrique de Llano Monelos, en representación de Pescanova, S.A., confirma, por escrito, á Delegación Territorial da Consellería de Pesca, Marisqueo e Acuicultura de Pontevedra en Vigo o peche da granxa mariña para o cultivo de camarón en Chapela, Redondela.
Considerando que, con data do 27-11-1997, o biólogo da zona I desta delegación territorial informa do peche da devandita granxa, desde o ano 1993.
Considerando que a Lei 6/1993, de pesca de Galicia, establece no seu artigo 72, letra b: «as concesións, as autorizacións e permisos de actividade para establecementos de acuicultura extinguiranse por renuncia do interesado».
Considerando que, en virtude das facultades que lle confire a Lei 6/1993, de pesca de Galicia, é competencia da Consellería de Pesca, Marisqueo e Acuicultura a adopción da resolución axeitada.
Resultando que o expediente foi tramitado conforme a dereito, segundo informe emitido pola xefa do Servicio Técnico-Xurídico.
Vistas a Lei 30/1992, do 26 de novembro, de réxime xurídico das administracións públicas e do procedemento administrativo común; o Real decreto 1471/1989, do 1 de decembro, polo que se aproba o Regulamento xeral para o desenvolvemento e execución da Lei 22/1988, do 28 de xullo, de costas; Lei 6/1993, do 11 de maio, de pesca de Galicia e demais disposicións de pertinente aplicación.
Esta consellería, á vista da proposta de resolución emitida polo instructor do expediente, acorda no exercicio das súas atribucións e competencias, extingui-lo permiso de actividade por renuncia do interesado do seguinte establecemento:
Establecemento: granxa mariña.
Localización: Chapela, Redondela (Pontevedra).
Especie: camarón.
Orde de outorgamento: 13-2-1987 (DOG nº 39, do 26-2-1987).
Fin da vixencia: 26-2-1997.
Esta resolución esgota a vía administrativa e contra ela poderá o interesado interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, na forma e prazos previstos no artigo 46 da Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 7 de abril de 1999.
P.D. (17-12-1997, DOG nº 246, do 22-12-1997)
Juan José Álvarez Pérez
Secretario xeral da Consellería de Pesca,
Marisqueo e Acuicultura