A consellería de Cultura, Comunicación Social e Turismo, unha vez cumpridos os trámites administrativos correspondentes, resolveu anuncia-la licitación, mediante procedemento aberto por concurso e trámite de urxencia, dos seguintes contratos de subministración:
1. Amoblamento dun centro sociocultural, xuvenil e da terceira idade en Chapela-Redondela (Pontevedra).
Orzamento de licitación: once millóns trescentas cincuenta e seis mil pesetas (11.356.000 ptas.), IVE incluído.
Prazo de execución: sete (7) días.
Garantía provisional: 227.120 ptas.
Clasificación do contratista: non se esixe.
2. Amoblamento dun centro sociocultural, xuvenil e da terceira idade en Redondela (Pontevedra).
Orzamento de licitación: once millóns oitocentas trinta e dúas mil pesetas (11.832.000 ptas.), IVE incluído.
Prazo de execución: sete (7) días.
Garantía provisional: 236.640 ptas.
Clasificación do contratista: non se esixe.
Exposición da documentación: o prego de cláusulas administrativas e o de prescricións técnicas estarán de manifesto no Servicio de Obras e Contratación da Consellería de Cultura, Comunicación Social e Turismo, e nas delegacións provinciais durante o prazo de presentación de proposicións, das 10 ás 14 horas, e no teléfono 981 58 89 38.
Prazo de presentación de proposicións: será ata as 14 horas do décimo terceiro día natural, contado a partir do día seguinte ó da publicación desta resolución no DOG.
Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se cursan por correo, haberá que aterse ó previsto na cláusula 7.2º do prego de cláusulas administrativas particulares.
Documentación que presentarán os licitadores: a establecida pola cláusula 7 do prego de cláusulas administrativas particulares.
Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na sala de xuntas da Consellería de Cultura, Comunicación Social e Turismo.
Se coincidise en sábado ou festivo, terá lugar o inmediato día hábil seguinte á mesma hora.
O importe do anuncio deste concurso será por conta dos adxudicatarios.
Santiago de Compostela, 26 de abril de 1999.
P.D. (Orde do 15-12-1997)
Andrés González Murga
Secretario xeral da Consellería de Cultura,
Comunicación Social e Turismo
