A Comisión de Goberno, en sesión do 1 de febreiro de 1999, acordou expoñer ó público o proxecto reformado de delimitación do polígono 2 do plan parcial do SUP-3 (Pontepedriña), no que se introducen varias modificacións sobre o proxecto inicialmente aprobado o 6 de abril de 1998.

Así mesmo, acordou aprobar inicialmente o cambio de sistema de actuación no citado polígono, que pasa de compensación a cooperación.

O expediente sométese a información pública durante o prazo de vinte días contados desde a publicación deste anuncio no Diario Oficial de Galicia, co obxecto de que os interesados poidan presenta-las alegacións que consideren oportunas.

Publícase a seguir a relación dos propietarios afectados pola actuación, par os efectos de que lles sirva de citación en forma legal a aqueles que, por seren descoñecidos ou ignorarse o seu domicilio, non poidan ser citados persoalmente.