SPI Galicia, S.A., anuncia demanda de financiamento axustado ós seguintes termos:

Modalidade: préstamo

Importe: ata 78.150.000 euros (13.003.065.900 pesetas) cun mínimo de oferta de 6.011.000 euros (1.000.146.246 pesetas) en un ou varios tramos.

Período de disposición: ata 6 meses nunha ou varias disposicións

Moeda: euros.

Prazo: 10 anos.

Carencia: 2 anos.

Modalidade de tipo de xuro:

Opción A: tipo de xuro variable referenciado a Euribor a 3 meses. Poderase incorporar á operación un Collar custo cero no mesmo contrato de préstamo, as condicións do cal se fixarán unha vez outorgado o correspondente mandato.

Opción B: tipo de xuro fixo.

Opción C: calquera estructura que a entidade financeira considere que pode ser de interese para SPI-Galicia, S.A.

(SPI-Galicia, S.A. reserva para si en función dos importes ofertados, o dereito a optar por calquera das tres opcións ou ben calquera das combinacións entre elas).

Garantías: as que se deriven do convenio marco e do PEF global de 1999 aprobado polo Consello da Xunta o 8 de abril. O contrato que se asine, poderá incluir dentro das causas de vencemento anticipado a modificación substancial do accionariado de SPI Galicia, S.A.

Presentación de ofertas: as ofertas dirixiranse en sobre pechado á atención do presidente de SPI Galicia, S.A., Praza de Europa, 10 A-5º, 15703 Santiago de Compostela, facendo constar no mesmo, na marxen superior esquerdo o seguinte:

«Oferta de préstamo xullo 1999»

Prazo de presentación de ofertas: as ofertas deberán presentarse antes das 12 horas do día 11 de maio de 1999 no rexistro de SPI Galicia, S.A.

O/os mandato/s serán outorgado/s no prazo máximo de oito días, contados desde a finalización do período de presentación de ofertas.

O pagamento do anuncio correrá a cargo do adxudicatario.

Santiago de Compostela, 26 de abril de 1999.

Juan José Novoa Montero

Presidente de SPI-Galicia, S.A.