Gerardo Rodríguez Fernández, enxeñeiro industrial, con DNI nº 42.783.335, como secretario do Colexio Oficial de Enxeñeiros Industriais de Galicia, corporación domiciliada na rúa Alameda, 30-32, 8º, D.P. 15003 da cidade da Coruña, NIF Q1570003B,

Certifica:

Que a Xunta de Goberno deste colexio, na súa reunión do 30 de xaneiro de 1999, vista a Orde do 20 de marzo de 1998 da ministra de Educación e Cultura pola que, en execución da sentencia do 31 de marzo de 1997, da Audiencia Nacional, que estimou o recurso contencioso-administrativo nº 321/1995 interposto polo Consello Xeral de Colexios Oficiais de Enxeñeiros Industriais contra a resolución do secretario xeral técnico do Consello de Educación do 24 de novembro de 1993, sobre homologación do título de enxeñeiro obtido por Juan Manuel Pais Pisco, acordou anula-la citada Resolución do 24 de novembro de 1993, deixándoa sen efecto, así como a credencial acreditativa da dita homologación, expedida pola Subdirección Xeral de Títulos, Validacións e Homologacións deste departamento e que a homologación do título de enxeñeiro químico quede condicionada á superación previa dunha proba de conxunto sobre aqueles coñecementos básicos da formación española requiridos para a obtención do título e

autoriza-lo interesado para realiza-la mencionada proba na universidade española que libremente elixa, logo de comunicarllo a este departamento.

Tomou o seguinte acordo:

Deixar en suspenso a colexiación de Juan Manuel Pais Pisco, cesando en tódolos dereitos derivados da súa pertenza ó Colexio Oficial de Enxeñeiros Industriais de Galicia, coas condicións establecidas na sentencia e orde citadas.

Contra este acordo pódese interpoñer recurso de alzada perante o Consello Xeral no prazo de quince días, sen prexuízo de interpoñer calquera outro que considere procedente.

Para que sirva de notificación a Juan Manuel Pais Pisco, inserirase este acordo no Diario Oficial de Galicia.

Expide esta certificación co visto e prace do decano na Coruña o un de febreiro de mil novecentos noventa e nove.

Gerardo Rodríguez Fernández

Secretario do Colexio Oficial de Enxeñeiros

Industriais de Galicia

Visto e prace

Ángel Monteoliva Ramos

Decano do Colexio Oficial de Enxeñeiros Industriais

de Galicia