Perante este Xurado Provincial de Montes Veciñais en Man Común tramítanse os expedientes de clasificación dos montes coas características que a seguir se indican:
-Expediente número 1/1999:
Denominación: montes: Maior e Costa da Ribeira.
Comunidade propietaria: veciños da parroquia do Pereiro.
Concello: Alfoz.
Superficie: 1.652 hectáreas.
Estremas:
As do termo parroquial son:
Norte: termo municipal do Valadouro. Leste: termos e montes das parroquias da Lagoa e das Oiras. Sur: termo municipal de Abadín, mesmo adentrándose neste concello o monte pola marxe dereita do río Pedrido, ata Porto Pedrido. Oeste: termo municipal de Abadín, mesmo adentrándose neste concello o monte pola marxe dereita do río Pedrido, ata Porto Pedrido.
Descrición do perímetro:
O perímetro de todo o termo parroquial do Pereiro, comprendendo os montes, os predios particulares e as mesmas aldeas, pode describirse comezando polo extremo oeste no Carballo da Veiga Rubia, no río Pedrido, onde están as «tres raias» deste termo municipal de Alfoz cos de Abadín e do Valadouro.
Polo norte divide co termo municipal do Valadouro desde Carballo da Veiga Rubia atravesando cara ó leste por Cruz de Riba, Cruz de Baixo, Pena do Torrón e Teixeiro ata baixar ó río Fervenza, baixando despois por este e polo río do Ouro, subindo finalmente cara ó leste ata Taranco.
Polo leste divide primeiro con termos e montes da parroquia da Lagoa desde Taranco seguindo cara o sur por Costoia ata Coto das Trigueiras de onde segue cara ó leste ata Manciñeiras, onde xa entran termos e montes da parroquia das Oiras coa que sobe cara ó sur segundo unha lomba polo Alto do Pico, Pena da Cabra e Pena das Pías ata Veiga do Telo.
Polo sur divide co termo municipal de Abadín seguindo a estrema desde Veiga do Telo cara ó oeste ata Pereira Vella de Valdecorredores, de onde o monte se adentra cara ó sur no termo municipal de Abadín seguindo unha divisoria de augas polas Penas d'Auga e Monte Maior ata baixar a Porto Pedrido.
Polo oeste segue dividindo cos montes do termo municipal de Abadín, adentrado neste termo como se dixo, desde Porto Pedrido baixando cara ó norte
polo río Pedrido, cadrando nun treito final coa estrema entre concellos, ata baixar a Carballo da Veiga Rubia, onde se comezou.
-Expediente número 3/1999:
Denominación: montes: de Baños e de Palleiros.
Comunidade propietaria: veciños dos lugares de San Pedro de Baños e Palleiros.
Parroquia: Marcelle.
Concello: Monforte de Lemos.
Superficie: 267 ha.
Estremas:
Os do termo veciñal son:
Norte: termo e monte da parroquia da Penela. Leste: termos e montes de Lampaza da parroquia de Doade do termo municipal de Sober. Sur: río Sil, dividindo co termo municipal de Castro Caldelas (Ourense). Oeste: termo e montes da parroquia de Doade do termo municipal de Sober.
Descrición do perímetro:
O perímetro do termo veciñal de Baños e Palleiros, comprendendo os montes, os predios particulares e as mesmas aldeas, pódese describir comezando polo extremo norte no Alto de Bidual, onde tamén concorren os montes das parroquias de Doade (Sober), Marcelle e Penela. Desde aquí baixa cara ó leste dividindo con esta última segundo unha lomba ata o camiño da Casa de Bidual, onde cadra coa estrema do termo municipal de Sober, pola que baixa cara ó sur polo rego do Monte Furado dividindo polo leste con termo e montes de Lampaza da parroquia de Doade (Sober) ata o mesmo río Sil. Polo sur divide con termo municipal de Castro Caldelas (Ourense), baixando polo río Sil ata a ponte da estrada de Castro Caldelas a Monforte, onde xa comeza a dividir polo oeste con termo e montes da parroquia de Doade (Sober), e vai pola aba destes nun corto treito cara ó oeste e despois sobe de sur a norte segundo una lomba, polo oeste do lugar de Palleiros, seguindo a estrema entre concellos ata subir ó Alto de
Bidual, onde se comezou.
-Expediente número 4/1999:
Denominación: montes: Coedo, Vales e Searas da Serra.
Comunidade propietaria: veciños do lugar de Marcelín.
Parroquia: Mosteiro.
Concello: Navia de Suarna.
Superficie: 178 ha.
Estremas:
Norte: monte de Molmeán. Leste: concello de San Antolín de Ibias (Asturias). Sur: montes de Abrente, Gorgueira e Pacios, e de Mosteiro. Oeste: predios particulares de Marcelín e cerramento dos prados do regueiro de Mosteiro.
Descrición do perímetro:
Polo norte, limitando co monte de Molmeán, sobe desde o regueiro de Mosteiro, un teso ata o Alto de Coedo, xa no límite con Ibias (Asturias). Polo leste segue a estrema de Ibias desde Coedo, na dirección norte-sur por Toxalón, chousumes das leiras de Folgueiras de Cotos ata Horta de Chan de Salgueiro, onde entra monte de Abrente, Gorgueira e Pacios. Polo sur na dirección suroeste, co citado monte polo teso de Cexurias, Cexurias, Fonte Vella ata Cruceiro de Gorgueira, onde chega ós predios particulares e ó monte de Mosteiro. Polo oeste desde Cruceiro de Gorgueira vai limitando co monte de Mosteiro ata Fonte Vella, baixando de aquí ós prados de Regueiro de Mosteiro; segue despois o polígono dos chousumes dos predios de Marcelín ata Valiños, onde se comezou.
-Expediente número 5/1999:
Denominación: montes de Rebordaos.
Comunidade propietaria: veciños da parroquia de Rebordaos.
Concello: O Saviñao.
Superficie: 94 ha.
Estremas:
Parcela nº 1 (30 ha):
Norte: predios particulares da parroquia de Rebordaos e camiño veciñal de Peago a Liñares. Leste: camiño pertencente ó monte comunal da parroquia de Vilelos e predios particulares da parroquia de Rebordaos. Sur: predios particulares da parroquia de Rebordaos. Oeste: predios particulares da parroquia de Rebordaos e camiño veciñal de Peago a Liñares.
Parcela nº 2 (7 ha):
Norte: predios particulares da parroquia de Rebordaos. Leste: camiño veciñal e predios particulares da parroquia de Rebordaos. Sur: predios particulares da parroquia de Rebordaos. Oeste: predios particulares da parroquia de Rebordaos.
Parcela nº 3 (3 ha):
Norte: camiño veciñal. Leste: predios particulares da parroquia de Rebordaos. Sur: predios particulares da parroquia de Rebordaos. Oeste: predios particulares da parroquia de Rebordaos.
Parcela nº 4 (5 ha):
Norte: predios particulares da parroquia de Rebordaos e camiño veciñal. Leste: predios particulares da parroquia de Rebordaos. Sur: predios particulares da parroquia de Rebordaos e camiño veciñal. Oeste: predios particulares da parroquia de Rebordaos.
Parcela nº 5 (49 ha):
Norte: camiño veciñal e predios particulares da parroquia de Rebordaos. Leste: camiño veciñal e predios particulares da parroquia de Rebordaos. Sur: camiño veciñal e predios particulares da parroquia
de Rebordaos. Oeste: camiño veciñal e predios particulares da parroquia de Rebordaos.
En virtude do acordado polo xurado na sesión celebrada coa data do 9 de decembro de 1998 e, en cumprimiento da orde do instructor, conforme o disposto na Lei de montes veciñais en man común do 10 de outubro de 1989 e demais disposicións de aplicación, polo presente edicto faise pública a iniciación dos expedientes indicados co obxecto de que, de acordo co previsto no artigo 23 do Regulamento aprobado polo Decreto 260/1992, do 4 de setembro, para a execución da citada lei, cantas persoas, organismos e corporacións resulten interesados, poidan comparecer e intervir nos expedientes iniciados e formular perante o xurado, no prazo dun mes contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean asistirlles en relación cos montes, achegando, se é o caso, a documentación que consideren conveniente ó respecto.
Lugo, 22 de marzo de 1999.
Luis González Vázquez
Presidente do Xurado Provincial de Montes
Veciñais en Man Común de Lugo