A Consellería de Cultura, Comunicación Social e Turismo, unha vez cumpridos os trámites administrativos correspondentes, resolveu anuncia-la licitación, mediante procedemento aberto por concurso e trámite de urxencia, dos seguintes contratos de obras:
1. Proxecto básico e de rehabilitación da Vía Nova entre A Ponte Nova e A Pala Falsa no parque da Baixa Limia. Serra do Xurés-Lobios (Ourense).
-Orzamento de licitación: 40.000.000 de ptas. (corenta millóns de pesetas), IVE incluído.
-Prazo de execución: cinco (5) meses.
-Garantía provisional: non se esixe.
-Clasificación do contratista: grupo K, subgrupo 7, categoría d.
2. Proxecto básico e de restauración de cuberta, supresión de humidades, limpeza e reparación de fábricas na Catedral de Mondoñedo (Lugo).
-Orzamento de licitación: 60.000.001 ptas. (sesenta millóns unha pesetas), IVE incluído.
-Prazo de execución: dez (10) meses.
-Garantía provisional: non se esixe.
-Clasificación do contratista: grupo K, subgrupo 7, categoría d.
-Exposición da documentación: os proxectos e os pregos de cláusulas administrativas estarán de manifesto no Servicio de Obras e Contratación da Consellería de Cultura, Comunicación Social e Turismo, e nas delegacións provinciais durante o prazo de presentación de proposicións, de 10 a 14 horas, e no teléfono 981 58 89 38.
-Prazo de presentación de proposicións: será ata as 14 horas do décimo terceiro día natural, contado a partir do día seguinte ó da publicación da presente resolución no DOG.
-Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se cursan por correo, haberá que aterse ó previsto na cláusula 7.2 do prego de cláusulas administrativas particulares.
-Documentación que presentarán os licitadores: a establecida pola cláusula 7 do prego de cláusulas administrativas particulares. Os licitadores que se presenten a máis dunha contratación deberán presentar toda a documentación para cada un dos contratos.
-Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na sala de xuntas da Consellería de Cultura, Comunicación Social e Turismo.
Se coincidise en sábado ou festivo, terá lugar o inmediato día hábil seguinte á mesma hora.
-O importe do anuncio do presente concurso será por conta dos adxudicatarios.
Santiago de Compostela, 15 de abril de 1999.
P.D. (Orde 15-12-1997)
Andrés González Murga
Secretario xeral da Consellería de Cultura,
Comunicación Social e Turismo