Intentada inutilmente a notificación domiciliaria da resolución correspondente á reclamación económico-administrativa interposta por Severino Arias Álvarez (domicilio: Rúa Calvo Sotelo, 17; 36900, Marín, Pontevedra), procédese á súa publicación de acordo co artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, e dos artigos 83 e 86 do Real decreto 391/1996, do 1 de marzo, polo que se aproba o Regulamento de procedemento nas reclamacións económico-administrativas.

De acordo co artigo 61 da Lei 30/1992, do 26 de novembro, de réxime xurídico das administracións públicas e do procedemento administrativo común, publícase que na reunión con data do 3 de novembro de 1998, o Tribunal Económico Administrativo da Comunidade Autónoma de Galicia resolveu a reclamación nº 768-PO 98/3 interposta por Severino Arias Álvarez. Esta resolución estará á disposición do interesado nas dependencias da secretaría deste tribunal situadas na Consellería de Economía e Facenda (1ª planta, Dirección Xeral de Tributos).

Esta resolución esgota a vía económico-administrativa e contra ela poderá interpor recurso perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ó desta publicación.

Santiago de Compostela, 24 de marzo de 1999.

Susana Benedeti Corzo

Secretaria do tribunal