Para os efectos previstos na Lei 54/1997, do 27 de novembro, e no artigo 9 do Decreto 2617/1966, sométese a información pública a petición de autorización da instalación eléctrica que se cita:
Solicitante: Solvida Sanxenxo, S.L.
Domicilio social: Rúa Madrid 18 baixo, 36960 Sanxenxo.
Denominación: central de coxeración na Veiga.
Situación: Sanxenxo.
Descricións técnicas: central de coxeración cun motoxerador de 1.000 kVA, 380 V Trafo 1.600 kVA, 20 kV-380/220 V. Equipo de arranque, protección, control, sincronización e acoplamento. Equipo de recuperación da calor e almacenamento combustible 4.000 l na Veiga, Concello de Sanxenxo.
Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.
Pontevedra, 3 de marzo de 1999.
Carmen Bianchi Valcarce
Delegada provincial de Pontevedra