De conformidade coa proposta elevada pola comisión designada para xulga-lo concurso convocado por resolución desta universidade do 4 de marzo de 1998 (BOE do 25 de marzo), para a provisión da praza número 98/017, de profesor titular de universidade da área de coñecemento de ecoloxía, do departamento de Bioloxía Animal, Bioloxía Vexetal e Ecoloxía desta universidade, a favor de Marcelino Fuentes López, e unha vez acreditados polo interesado os requisitos ós que alude o punto 2º do artigo 5 do Real decreto 1888/1984, do 26 de setembro,

Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Marcelino Fuentes López, profesor titular de universidade da área de coñecemento de ecoloxía, do departamento de Bioloxía Animal, Bioloxía Vexetal e Ecoloxía, desta universidade.

A Coruña, 31 de marzo de 1999.

José Luis Meilán Gil

Rector da Universidade da Coruña