Aprobado inicialmente pola Comisión de Goberno, en sesión do 18 de marzo de 1999, o proxecto técnico de auga Igrexa-Merza e rede de sumidoiros Añobre-Cruces, redactado polo enxeñeiro técnico de obras públicas Alfredo Montero Vaz, exponse ó público durante o prazo de quince días hábiles, que comezarán a contarse desde o día seguinte ó da inserción deste anuncio no BOP, para efectos de exame e reclamacións.

Na mesma sesión aprobouse o prego de cláusulas administrativas que rexerán o concurso, polo procedemento aberto, da obra de auga Igrexa-Merza e rede de sumidoiros Añobre-Cruces, exponse ó público por un prazo de oito días hábiles, para que poidan presentarse as alegacións ou reclamacións que os interesados consideren oportunas.

Pola súa vez, convócase licitación pública para a adxudicación da devandita obra, que quedaría aprazada no suposto de presentarse reclamacións ó prego, reanudándose, o que reste, a partir do día seguinte ó da resolución das reclamacións.

Obxecto do contrato: é a adxudicación, mediante concurso polo procedemento aberto, da obra de auga Igrexa-Merza e rede de sumidoiros Añobre-Cruces.

Tipo de licitación: 14.161.044 pesetas (IVE incluído).

Prazo de execución: seis meses.

Garantías: a provisional establécese en 283.221 pesetas, e a definitiva igual ó 4% do importe de adxudicación.

Prazo de presentación de proposicións: presentaranse na secretaría do concello, das 9 ás 13 horas, durante o prazo de 26 días naturais, contados desde o día seguinte ó da derradeira publicación deste anuncio no BOP ou DOG.

Apertura de plicas: terá lugar ás dez horas do primeiro día hábil seguinte a aquel en que remate o prazo de presentación de proposicións. Se este coincide en sábado, terá lugar o primeiro día hábil seguinte.

Criterios de adxudicación: serán os fixados na cláusula 2ª do prego de condicións.

Modelo de proposicións: o recollido na correspondente cláusula do prego. Os licitadores presentarán simultaneamente coa proposición e en sobre á parte os documentos que se indican na referida cláusula.

Gastos: serán por conta do adxudicatario os gastos dos anuncios e impostos que procedan, incluído o IVE, así como os de dirección técnica das obras.

Vila de Cruces, 22 de marzo de 1999.

O alcalde-presidente

Rubricado