O Xurado Provincial de Clasificación de Montes Veciñais en Man Común de Pontevedra, en sesión que tivo lugar o día 4 de xuño de 1997, acordou inicia-los trámites para a clasificación, como veciñais en man común, dos seguintes montes:
Concello: Bueu.
Lugar: Meiro.
Nome do monte: Castrillón.
(Catastro 25-406).
Cabida: 2,019 ha.
Lindes:
Norte: encrucillada de camiños e predios particulares.
Sur: pista forestal e predios particulares.
Leste: predios particulares.
Oeste: pista forestal.
Descrición do perímetro.
Partindo do mencionado depósito (na parte sureste atópase enclavado un depósito municipal de auga) dirección norte, camíñase por unha pista que separa a parcela dos predios particulares na súa parte oeste ata chegar ó punto máis ó norte da parcela onde se atopa con predios particulares con muros de pedra de cachotería e unha encrucillada de camiños que dá servidume a outros predios, é alí onde se colle rumbo ó sur atravesando a parcela pola súa parte leste onde se aprecian os límites dos predios particulares con pedras de forma irregular. Unha vez chegados ó sur atopámonos de novo coa pista forestal.
Nome do monte: Coto.
(Catastro 26-39).
Cabida: 0,163 ha.
Lindes:
Norte: camiño de servidume e predios particulares.
Sur: camiño de servidume.
Leste: predios particulares.
Oeste: camiño de servidume e predios particulares.
Descrición do perímetro.
Desde unha encrucillada de camiños na súa parte sur, e en dirección norte rodéase a parte leste da parcela onde se aprecia o límite cos predios por medio de pedras a modo de marcas e noutras con pequenos noiros de terra. Unha vez no punto máis ó norte da parcela, diríxese de novo cara ó sur por un camiño que delimita a parcela no oeste.
Nome do monte: Feira.
(Catastro 25-547).
Cabida: 0,153 ha.
Lindes:
Norte: predios particulares.
Sur: predios particulares.
Leste: camiño veciñal asfaltado.
Oeste: predios particulares.
Descrición do perímetro.
Para describir esta parcela non é necesario rodea-lo seu perímetro xa que se pode apreciar desde calquera punto cómpre mencionar que os predios máis ó norte están cerradas cun muro de cachotería, mentras que os do sur e oeste teñen unhas marcas de pedra.
Nome do monte: Esquina de Paradela.
(Catastro 27-114).
Cabida: 0,05 ha.
Lindes:
Norte: estrada de Outeiro a Meiro.
Sur: camiño de Outeiro a Meiro (Santo Antoniño).
Leste: estrada e predio particular con cerre de cachotería.
Oeste: camiño.
Descrición do perímetro.
Trátase dun terreo existente entre unha encrucillada de camiños e unha estrada. Para describir esta parcela non é necesario rodea-lo seu perímetro xa que se aprecia desde calquera punto dela.
Nome do monte: Capoeiro.
(Catastro 33-355).
Cabida: 0,024 ha.
Lindes:
Norte: camiño de Meiro á Graña.
Sur: camiño de Meiro á Graña.
Leste: propiedades particulares.
Oeste: camiño público da Graña.
Descrición do perímetro.
Trátase dunha encrucillada de camiños. Para describri esta parcela non é necesario rodea-lo seu perímetro xa que se aprecia desde calquera punto dela.
Nome do monte: Lagarteira de Riba.
(Catastro 36-1330).
Cabida: 0,023 ha.
Lindes:
Norte: predio particular con muro de pedra.
Sur: encrucillada de sendas e un camiño.
Leste: predio particular con muro de pedra.
Oeste: encrucillada de camiños.
Descrición do perímetro.
Trátase dunha encrucillada de camiños sobrante de vía pública. Para describir esta parcela non é necesario rodea-lo seu perímetro xa que se aprecia desde calquera punto dela.
Nome do monte: Lagarteira de Baixo.
(Catastro 36-1329).
Cabida: 0,011 ha.
Lindes:
Norte: camiño público.
Sur: propiedade privada.
Leste: camiño público.
Oeste: propiedade privada e camiño.
Descrición do perímetro.
Trátase dunha encrucillada de camiños sobrante de vía pública e moi rochoso. Para describir esta parcela non é neceario rodea-lo seu perímetro xa que se aprecia desde calquera punto dela.
Nome do monte: Golbada.
(Catastro 35-167).
Cabida: 0,02 ha.
Lindes:
Norte: camiño de Meiro a Catro Camiños.
Sur: propiedade privada con muro de pedra.
Leste: propiedade privada con muro de pedra.
Oeste: camiño.
Descrición do perímetro.
Trátase dun sobrante de vía pública e río do mesmo nome no medio. Para describir esta parcela non é necesario rodea-lo seu perímetro xa que se aprecia desde calquera punto dela.
Nome do monte: Cachadiña.
(Catastro 24-531).
Cabida: 0,02 ha.
Lindes:
Norte: encrucillada de camiños asfaltados.
Sur: camiño.
Leste: propiedades particulares (casas).
Oeste: encrucillada de camiños asfaltados.
Descrición do perímetro.
Trátase dun sobrante de vía pública entre camiños no medio de casas do Barrio de Meiro. Para describir esta parcela non é necesario rodea-lo seu perímetro xa que se aprecia desde calquera punto dela.
O que se pon en coñecemento de tódolos interesado, para efectos de abril un período de información dun mes de duración contado a partir do día seguinte á publicación deste anuncio para que se poida examina-lo expediente e aducir durante este tempo o que se considere procedente en relación cos montes de referencia, de conformidade co disposto no artigo 11 da Lei 13/1989, do 10 de outubro, de montes veciñais en man común, e no artigo 23.2º do Decreto 260/1992, do 4 de setembro, polo que se aproba o regulamento para a execución da dita lei.
Pontevedra, 9 de marzo de 1999.
José Luis Díez Yáñez
Delegado provincial de Pontevedra
Presidente do xurado
