A Consellería de Familia e Promoción do Emprego, Muller e Xuventude, a través da Dirección Xeral de Xuventude, leva a cabo o programa Fomento da actividade xuvenil; entre os seus obxectivos figura a promoción e organización de actividades de animación sociocultural destinadas á xuventude no ámbito do ocio e o tempo libre.
Asumidas as competencias neste eido polo Decreto 146/1982, do 1 de decembro, e consciente esta consellería da importancia que ten o feito de facilitar canles polas que a mocidade poida participar nese tipo de actividades, este ano, do mesmo xeito que en anos anteriores, convócase a Campaña Verán Galicia-99.
A oferta da Campaña Verán Galicia-99 comprende actividades en albergues, campamentos, campos de traballo voluntarios, rutas turístico-culturais e deportivas e outras relacionadas co ocio e o tempo libre, cun carácter convivencial, todas elas dirixidas a mozos e mozas individualmente considerados.
O obxecto da Dirección Xeral de Xuventude con esta campaña é o de atende-la demanda individual, cada día máis crecente, de mozos e mozas no eido do ocio e o tempo libre, utilizando para este fin as instalacións e medios de que dispón o dito centro xestor.
Por todo isto,
DISPOÑO:
Artigo 1º
Co obxectivo de facilitarlle á xuventude a participación en actividades de tempo libre, a Consellería de Familia e Promoción do Emprego, Muller e Xuventude, a través da Dirección Xeral de Xuventude, oferta un plan xeral de actividades que se detalla no anexo I da presente orde.
Este plan xeral de actividades desenvolverase en virtude do uso preferente das instalacións xuvenís pola Dirección Xeral de Xuventude e sen prexuízo da reserva correspondente de prazas para o uso destas en réxime de oferta concertada (Orde do 19 de febreiro de 1999), e para alberguistas.
Nos servicios e oficinas locais de Xuventude das delegacións provinciais da Consellería de Familia e Promoción do Emprego, Muller e Xuventude, na oficina TIVE-Santiago, nas oficinas e puntos de información xuvenil da Rede Galega de Información e Documentación Xuvenil e nas oficinas de información administrativa e atención ó cidadán, os interesados poden solicitar folletos informativos da convocatoria da presente campaña, onde se detalla unha información ampla sobre cada actividade e da instalación xuvenil onde se vai levar a cabo.
Artigo 2º.-Servicios ofertados.
A oferta da Campaña Verán Galicia-99 supón a inscrición individual, permitíndolle ós participantes dispoñer dos seguintes servicios:
1. Un programa de actividades de carácter socio cultural, recreativo, formativo e convivencial, que posibilite a participación do mozo.
2. Aloxamento en albergue xuvenil, residencia xuvenil ou campamento xuvenil.
3. Manutención en réxime de pensión completa.
4. O material necesario para a actividade.
5. Un equipo técnico de persoal especializado en animación sociocultural e actividades de tempo libre.
6. Atención sanitaria de primeiros auxilios e seguro de accidentes.
Artigo 3º.-Participantes.
De acordo coas prazas dispoñibles, poderán solicita-la súa participación nas actividades programadas os mozos e mozas de ata 30 anos, segundo se especifica para cada actividade no anexo I desta orde.
En canto á marxe de idade mínima e máxima que se especifica para cada actividade, deberase ter en conta:
1. As idades mínimas que se especifican para cada actividade entenderanse cumpridas durante o ano 1999, agás nos casos en que a idade mínima sexa os 18 anos, en que se entenderán cumpridos antes do comezo da actividade.
2. En relación ó tope máximo de idade establecido para cada actividade, os solicitantes cunha idade que coincida coa establecida como idade máxima para participar na actividade solicitada, deberán tela o 1-7-1999 para aquelas que se desenvolvan en xullo e o 1-8-1999 para as que se desenvolvan en agosto.
Non se admitirán aquelas solicitudes nas que o solicitante non cumpra os ditos requisitos de idade para a actividade solicitada.
Artigo 4º.-Quenda.
As quendas de actividades terán unha duración de 7 ou 14 días, segundo a modalidade da actividade, e desenvolveranse durante os meses de xuño, xullo e agosto.
Artigo 5º.-Solicitudes.
1. As solicitudes deberán formularse no impreso que se indica no anexo II desta orde. Cada mozo unicamente poderá cubrir unha solicitude e un máximo de cinco quendas ou actividades por solicitude. (Cada quenda ou actividade vai identificada cun código no anexo I desta orde).
2. As solicitudes dirixiranse á directora xeral de Xuventude, e poderán presentarse no rexistro xeral da Consellería de Familia e Promoción do Emprego, Muller e Xuventude, nos rexistros das súas delegacións provinciais ou por calquera dos medios establecidos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.
3. Así mesmo, admitiranse aquelas solicitudes que se reciban a través dos seguintes medios:
-A través da rede Internet na páxina con dirección (u.r.l.) http://www.xunta.es/adm/campalbe.htm.
O interesado será responsable da seguridade dos datos incluídos na solicitude ata que non se almacenen na base de datos da Xunta de Galicia.
-Ou ben, por fax ós números indicados no anexo IV desta orde.
Neste caso, na instancia farase figurar necesariamente un número de teléfono ó que poder chamar no suposto de que houbese que emendar calquera erro na solicitude ou na súa recepción.
O interesado poderá comproba-la recepción da súa solicitude a partir do 7 de maio no Teléfono Xove 902 15 25 35.
Artigo 6º.-Prazo.
O prazo de solicitude iniciarase o día seguinte ó da publicación da presente orde no Diario Oficial de Galicia e rematará o día 30 de abril de 1999.
Artigo 7º.-Adxudicación de prazas.
A adxudicación realizarase da seguinte forma:
1. Por adxudicación directa, no caso de que a demanda non supere o número de prazas dispoñibles.
2. Por sorteo, por medios informáticos, no suposto de que o número de solicitudes supere o número de prazas dispoñibles.
O sorteo realizarase o día 13 de maio de 1999 nas dependencias da Secretaría Xeral da Consellería de Familia e Promoción do Emprego, Muller e Xuventude en Santiago de Compostela.
A Dirección Xeral de Xuventude fará público o resultado do sorteo e confeccionará a correspondente lista de admitidos para cada quenda e actividade. As ditas listas serán expostas o día 17 de maio na Dirección Xeral de Xuventude, no rexistro xeral da Consellería de Familia e Promoción do Emprego, Muller e Xuventude, nos rexistros e servicios de Xuventude das súas delegacións provinciais, e no Centro de Información Administrativa e Atención ó Cidadán de Santiago de Compostela.
Artigo 8º.-Documentación.
Os participantes seleccionados deberán presentar na Delegación Provincial da Consellería de Familia e Promoción do Emprego, Muller e Xuventude da provincia onde se vaia desenvolve-la actividade, ou na Dirección Xeral de Xuventude, no caso das actividades pluriprovinciais (que se desenvolven en dúas ou tres instalacións), no prazo de dez días contados desde o día seguinte ó da data de exposición das listas, a seguinte documentación:
-Xustificante de pagamento (impreso oficial).
-Fotocopia do DNI ou da páxina correspondente do libro de familia.
-Fotocopia do documento de afiliación á Seguridade Social ou seguro médico.
-Cuestionario médico-sanitario (anexo III).
-Declaración xurada de que sabe nadar, só para os participantes en actividades de náutica: vela, táboa, esquí acuático, piragüismo e kayak polo.
-Certificado médico de non padecer ningunha enfermidade e de estar apto para participar na actividade.
No caso contrario, decaerá a adxudicación realizada e pasará a oferta pública, aplicándose o procedemento disposto no artigo 9º desta orde.
Artigo 9º.-Adxudicación das prazas de resultas.
1. As prazas que non se cubrisen polo procedemento de adxudicación establecido no artigo 7º, así como as vacantes que se produzan, xa sexa por renuncia do interesado ou por non presenta-la documentación referida no artigo 8º desta orde en prazo, adxudicaranse por adxudicación directa segundo se vaian solicitando.
Para estes efectos, no período comprendido do día 7 ó 9 de xuño poderán solicita-las prazas vacantes todos aqueles solicitantes ós que non se lles adxudicou praza no sorteo.
Transcorrido o dito período, as prazas vacantes que se produzan poderán ser solicitadas por calquera persoa interesada, sempre e cando cumpra as limitacións de idade ás que fai mención o artigo 4º desta orde.
2. Para solicita-las prazas de resultas, o interesado poderá efectua-la oportuna reserva de praza, no caso de que existan vacantes, persoalmente ou por teléfono a través de calquera servicio de Xuventude das delegacións provinciais da Consellería de Familia e Promoción do Emprego, Muller e Xuventude, ou da Dirección Xeral de Xuventude.
Unha mesma persoa non poderá reservar máis dunha praza. A reserva de prazas poderase efectuar en horario de 9 a 14 horas, en días laborables agás sábados.
3. Unha vez efectuada a reserva de praza, o interesado disporá dun prazo de 48 horas para presenta-lo impreso que se indica no anexo II desta orde debidamente cuberto, e a documentación relacionada no artigo 8º. Os solicitantes ós que non se lles adxudicou praza no sorteo non terán que presenta-lo anexo II. Esta documentación poderá presentala en calquera das oficinas anteriormente relacionadas. No caso contrario, perderá o dereito á praza reservada.
4. No anexo IV indícanse os enderezos e os teléfonos e fax das oficinas administrativas a través das que poderá efectuarse a oportuna reserva de praza, para os efectos do disposto neste artigo.
Artigo 10º.-Prezos.
Os prezos de aplicación para cada actividade e quenda aparecen detallados no anexo I, e están establecidos de acordo co disposto no punto A.2 do anexo I da Orde do 2 de xaneiro de 1999, pola que se fixan as tarifas e prezos en servicios de Xuventude nas instalacións xuvenís para o ano 1999 (DOG nº 4 , do 8 de xaneiro).
Artigo 11º.-Devolucións de cota.
1. Se unha vez obtida a praza e aboado o prezo correspondente o interesado non puidese asistir á actividade, só terá dereito á devolución deste no caso de que comunique a renuncia á praza por escrito e solicite a devolución do prezo aboado polo menos vinte días antes do inicio da actividade, salvo causa de forza maior que impida a participación na actividade. Esta última circunstancia deberá acreditarse documentalmente e será valorada polo órgano encargado de resolve-la solicitude.
2. Para estes efectos haberá á disposición dos interesados un modelo normalizado de solicitude de devolución de cota de participación na Dirección Xeral de Xuventude e nos servicios de xuventude das delegacións provinciais da Consellería de Familia e Promoción do Emprego, Muller e Xuventude.
3. A solicitude deberá dirixirse ó delegado provincial da Consellería de Familia e Promoción do Emprego, Muller e Xuventude da provincia onde se vai desenvolve-la actividade, ou á directora xeral de Xuventude no caso das actividades que se desenvolvan en máis dunha provincia, que serán os órganos encargados de resolver en cada caso.
Disposicións derradeiras
Primeira.-Facúltase a directora xeral de Xuventude para dictar, no ámbito das súas competencias, as resolucións precisas para o desenvolvemento desta orde.
Segunda.- Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 24 de marzo de 1999.
Manuela López Besteiro
Conselleira de Familia e Promoción do Emprego,
Muller e Xuventude
ANEXO I
Campamentos de Verán-99
prazaInstalación xuvenil Actividade Data Idade Importe
Nº código
Res. Xuv. F. L. Cuevillas
Alb. Xuv. Marina Española
Res. Xuv. Altamar
Res. Xuv. Monte do Gozo
Camp. Xuv. Os Chacotes
Camp. Xuv. O Chanto
Res. Xuv. Altamar
Ruta «Coñece Galicia» 1-14/8/99 15-17
23.000 150001
Alb. Xuv. Irmáns Pedrosa
Ruta «Coñece Galicia» 1-14/08/99 18-22 23.000 150002
Alb. Xuv. Gandarío
Mar e natureza 4-17/07/99 15-17 16.800 150003
Camp. Xuv. A Devesa
Mar e natureza 4-17/07/99 11-13 16.800 150004
prazaInstalación xuvenil Actividade Data Idade Importe
Nº código
Camp. Xuv. Os Chacotes
Camp. Xuv. P. de Xacinto
Camp. Xuv. A Devesa
Mar e natureza 18-31/07/99 15-17 16.800 150005
Camp. Xuv. Illa de Ons
Mar e natureza 1-14/08/99 13-15 16.800 150006
Alb. Xuv. Mariña Española A miña primeira 26/06-3/07/99 9-10 10.700 150101
aventura 3-10/07/99 9-10 10.700 150102
10-17/07/99 9-10 10.700 150103
17-24/07/99 9-10 10.700 150104
24-31/07/99 9-10 10.700 150105
Deporte e recreación 1-14/08/99 13-14 21.000 150106
15-28/08/99 11-12 21.000 150107
Alb. Xuv. Gandarío 13-14 23.000 150201
4-17/07/99 15-17 23.000 150202
Actividades do mar: 18-31/07/99 13-14 23.000 150203
Vela, táboa e aula 11-12 23.000 150204
Natureza mariña 1-14/08/99 15-17 23.000 150205
15-28/08/99 13-14 23.000 150206
15-17 23.000 150207
Camp. Xuv. Furelos Cabalgando na natureza 27/06-9/07/99 13-14 19.950 150301
11-23/07/99 15-17 19.950 150302
En bicicleta e cabalo polo 7-17/08/99 16-17 19.950 150303
camiño francés 12-22/08/99 16-17 19.950 150304
Camp. Xuv. Virxe de Loreto Encontro interautonómico 4-17/07/99 13-14 16.800 150401
pola compostelá 1-14/08/99 15-17 16.800 150402
Camp. Xuv. Espiñeira Aventura na natureza 4-17/07/99 11-12 16.800 150501
18-31/07/99 11-12 16.800 150502
Alb. Xuv. Area Actividades do mar: vela 4-17/07/99 13-14 27.250 270101
e táboa, esquí acuático 18-31/07/99 15-17 27.250 270102
e aula natureza mariña 1-14/08/99 15-17 27.250 270103
15-28/08/99 13-14 27.250 270104
Alb. Xuv. Benigno Quiroga A nosa aventura: 27/06-4/07/99 9-11 10.700 270201
iniciación ó deporte da 4-11/07/99 9-11 10.700 270202
Vela e do 11-18/07/99 9-11 10.700 270203
piragüismo 18-25/07/99 9-11 10.700 270204
25/07-1/08/99 9-11 10.700 270205
Camp. Xuv. A Devesa Encontro interautonómico 4-17/07/99 14-17 16.275 270301
Camp. Xuv. O Chanto A nosa aventura 18-24/07/99 9-10 8.400 270401
25-31/07/99 9-10 8.400 270402
Camp. Xuv. Os Chacotes Deporte e natureza 1-14/08/99 10-13 16.800 270501
Camp. Xuv. P. de Xacinto Aventura e deporte 4-17/07/99 9-11 16.800 320101
18-31/07/99 12-14 16.800 320102
Res. Colexio Pablo VI Piragüismo 4-17/07/99 12-13 23.000 320201
18-31/07/99 14-15 23.000 320202
Alb. Escola Vilamarín Granxa agro-gandeira 4-17/07/99 9-11 21.950 320301
18-31/07/99 11-13 21.950 320302
Alb. Xuv. O Corgo Piragüismo e remo 4-17/07/99 14-15 23.000 320401
18-31/07/99 12-13 23.000 320402
1-14/08/99 14-15 23.000 320403
Alb. Xuv. Vilamartín de Valdeorras A nosa aventura 4-17/07/99 11-13 21.000 320501
18-31/07/99 13-15 21.000 320502
prazaInstalación xuvenil Actividade Data Idade Importe
Nº código
Alb. Xuv. As Sinas Activ. do mar: vela, dorna, 4-17/07/99 13-15 23.000 360101
Táboa e aula natureza mariña 18-31/07/99 14-17 23.000 360102
Actividades do mar: vela, 1-14/08/99 13-15 23.000 360103
táboa e aula natureza mariña 15-28/08/99 14-17 23.000 360104
Actividades do mar: 4-17/07/99 13-15 23.000 360105
piragüismo, kayak polo e aula 18-31/07/99 14-17 23.000 360106
natureza mariña 1-14/08/99 13-15 23.000 360107
15-28/08/99 14-17 23.000 360108
Camp. Xuv. Pontemaril Aventura na natureza 4-17/07/99 9-11 16.800 360201
18-31/07/99 10-12 16.800 360202
1-7/08/99 9-12 8.400 360203
8-14/08/99 9-12 8.400 360204
Camp. Xuv. Illa de Ons Aventura na illa 4-17/07/99 11-13 16.800 360301
18-31/07/99 11-13 16.800 360302
Camp. Xuv. Agolada Aventura no mundo rural 4-17/07/99 12-14 16.275 360401
18-31/07/99 11-13 16.275 360402
Campos de traballo-99
prazaInstalación xuvenil Actividade Data Idade Importe
Nº código
Alb. xuvenil Gandarío Campo de traballo 4-17/07/99 15-17 10.000 ptas. 150208
Rehabilitación igrexa Bergondo 18-31/07/99 15-17 10.000 ptas. 150209
e ambiente 1-14/08/99 15-17 10.000 ptas. 150210
Campo de traballo de Vilarbó Campo de traballo 18-31/07/99 23-30 10.000 ptas. 150601
Ambiente 1-14/08/99 18-22 10.000 ptas. 150602
15-28/08/99 23-30 10.000 ptas. 150603
Campo de traballo de Lagos de Teixeiro Rehabilitación área recreativa 1-15/07/99 18-22 10.000 ptas. 270601
e ambiente 18-31/07/99 15-17 10.000 ptas. 270602
1-14/08/99 23-30 10.000 ptas. 270603
15-28/08/99 23-30 10.000 ptas. 270604
Campo de traballo de Monterroso Ambiente 1-15/07/99 18-22 10.000 ptas. 270701
16-30/07/99 18-22 10.000 ptas. 270702
Campo de traballo de Monforte Ambiente 1-15/07/99 15-17 10.000 ptas. 270801
16-30/07/99 18-22 10.000 ptas. 270802
2-16/08/99 18-22 10.000 ptas. 270803
17-31/08/99 23-30 10.000 ptas. 270804
Alb. Xuv. Ribas de Sil Campo de traballo 18-31/07/99 18-22 10.000 ptas. 320602
Ambiente e arqueoloxía 1-14/08/99 18-22 10.000 ptas. 320603
15-28/08/99 18-22 10.000 ptas. 320604
Campo de Traballo de A Peroxa Ambiente 18-31/07/99 23-30 10.000 ptas. 320701
1-14/08/99 18-22 10.000 ptas. 320702
Campo de Traballo O Corgo Ambiente 15-28/08/99 18-22 10.000 ptas. 320801
Camp. xuvenil Pontemaril Campo de traballo 1-14/08/99 18-22 10.000 ptas. 360501
Restauración e ambiente 15-28/08/99 23-30 10.000 ptas. 360502
Camp. Xuv. A Illa de Ons Campo de traballo 4-17/07/99 18-22 10.000 ptas. 360601
Ambiente 18-31/07/99 23-30 10.000 ptas. 360602
1-14/08/99 23-30 10.000 ptas. 360603
15-28/08/99 18-22 10.000 ptas. 360604
Camp. Xuv. Illas Cíes Campo de traballo Ambiente 4-17/07/99 18-22 10.000 ptas. 360701
18-31/07/99 23-30 10.000 ptas. 360702
1-14/08/99 18-22 10.000 ptas. 360703
15-28/08/99 23-30 10.000 ptas. 360704
ANEXO IV
-Dirección Xeral de Xuventude:
Enderezo: edificio administrativo San Caetano, s/n, bloque 3-1º, 15771 Santiago de Compostela.
Teléfono: 981 54 48 67. Fax: 981 54 58 43.
-Delegación Provincial da Coruña da Consellería de Familia e Promoción do Emprego, Muller e Xuventude:
Enderezo: Avda. do Exército, 2-1º, 15006 A Coruña.
Teléfono: 981 22 65 50. Fax: 981 18 57 02.
-Servicio de Xuventude da Coruña:
Enderezo: rúa Durán Loriga, 9, 15003 A Coruña.
Teléfono: 981 22 65 50. Fax: 981 22 13 36.
-Delegación Provincial de Lugo da Consellería de Familia e Promoción do Emprego, Muller e Xuventude. Servicio de Xuventude:
Enderezo: Ronda Muralla, 70, 27071 Lugo.
Teléfono: 982 29 43 52. Fax: 982 29 43 39.
-Delegación Provincial de Ourense da Consellería de Familia e Promoción do Emprego, Muller e Xuventude:
Enderezo: rúa Camiño Vello. Prado Lonia, s/n, 32004 Ourense.
Teléfono: 988 38 61 20. Fax: 988 38 60 87.
-Servicio de Xuventude Ourense:
Enderezo: Avda. Habana, 81 baixo, 32004 Ourense.
Teléfono: 988 38 61 20. Fax: 988 38 61 19.
-Delegación Provincial de Pontevedra da Consellería de Familia e Promoción do Emprego, Muller e Xuventude. Servicio de Xuventude:
Enderezo: rúa María Berdiales, 20, 36203 Vigo.
Teléfono: 986 81 70 78. Fax: 986 81 70 82.
-Oficina local de Pontevedra:
Enderezo: Benito Corbal, 47-2º, 36001 Pontevedra.
Teléfono: 986 80 55 32. Fax: 986 80 55 54.