Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Eléctrica-Fenosa, S.A.

Enderezo social: Sáenz Díez, 45, 32003 Ourense.

Denominación: L.M.T., C.T., R.B.T., Garduñeira-Cadeliña.

Situación: Chandrexa de Queixa.

Descricións técnicas: 2 L.M.T. aéreas a 20 kV en conductor LA-56. (1ª) De 2.028 metros de lonxitude, con orixe en apoio nº 1 da L.M.T. a C.T. de Drados e remate no C.T. con 50 kVA, R/T 20.000/380-220 V de Cadeliña. (2ª) De 1.065 metros, con orixe no apoio nº 2 da L.M.T. a C.T. de Cadeliña e remate no C.T. con 50 kVA, R/T 20.000/380-220 V de Garduñeira. 3 R.B.T. aéreas en conductor R.Z. do C.T. de Cadeliña, C.T. de Garduñeira e C.T. de Drados de 260, 170 e 930 metros respectivamente.

Cumpridos os trámites ordenados na Lei 54/1997, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Ourense, 8 de marzo de 1999.

Alfredo Cacharro Pardo

Delegado provincial de Ourense