1. O Concello de Muros convoca licitación pública para a adxudicación por procedemento aberto mediante concurso do contrato de conservación da rede de iluminación e das instalacións eléctricas das edificacións públicas municipais, que ten un tipo de licitación de 4.408.000 ptas./26.492,61 euros por ano de servicio.
2. O período de vixencia do contrato é de catro anos e a data prevista para a iniciación do servicio é o 1º de xuño de 1999.
3. O prego de cláusulas cos seus anexos e o modelo de proposición están ó dispor dos interesados nas oficinas do Concello de Muros, Curro da Praza nº 1, 15250 Muros (A Coruña).
4. A garantía provisional é de 88.160 ptas.
5. Non se esixe clasificación. A solvencia económica, financeira e técnica das empresas licitadoras acreditarase por calquera dos medios ós que se refiren os artigos 16 e 17 da LCAP.
6. O prazo de presentación de proposicións é o de trece días naturais contados desde a publicación do anuncio no BOP e no DOG. As proposicións presentaranse en sobre pechado de 8.30 a 14.30 horas e o lugar de presentación é o rexistro xeral do Concello de Muros.
7. A apertura do sobre «B» das proposicións admitidas terá lugar en acto público na casa do concello no quinto día hábil seguinte ó do remate da presentación de propostas, ás 13 horas.
Muros, 8 de febreiro de 1999.
Celestino Formoso Vidal
Alcalde