1 Especialista en anestesia e reanimación, xefe clínico. Ref.: JAR.
Titulación: título homologado en medicina e cirurxía, con especialidade en anestesioloxía e reanimación.
Período de residencia realizado nun centro con especialidade de cirurxía cardíaca, cun mínimo de 300 intervencións con circulación extracorpórea/ano.
Experiencia: experiencia mínima de cinco anos en postos de responsabilidade, que impliquen dirección e organización de unidades de coidados postoperatorios.
Procedemento de selección: baremo de currículo (55%) entrevista persoal (45%).
2 Especialistas en anestesia e reanimación. Ref.: EAR.
Titulación: título homologado en medicina e cirurxía, con especialidade en anestesioloxía e reanimación.
Período de residencia realizado nun centro con especialidade de cirurxía cardíaca, cun mínimo de 300 intervencións con circulación extracorpórea/ano.
Experiencia: valorarase experiencia como profesional en anestesia e coidados postoperatorios en cirurxía cardíaca.
Procedemento de selección: valoración dos méritos (55%), probas psicotécnicas (25%) e entrevista persoal (20%).
1 Especialista en cirurxía cardíaca, xefe clínico Ref.: JCC.
titulación: título homologado en medicina e cirurxía, con especialidade en cirurxía cardiovascular.
Período de residencia realizado nun centro con especialidade de cirurxía cardíaca cun mínimo de 300 intervencións con circulación extracorpórea/ano.
Experiencia: experiencia mínima de dous anos como especialista en cirurxía cardiovascular, acreditando a realización dun mínimo de 300 intervencións con circulación extracorpórea/ano.
Procedemento de selección: baremo de currículo (55%) e entrevista persoal(45%).
1 ATS instrumentista. Ref.: AINS.
Titulación: título homologado de ATS/DUE.
Experiencia: mínima dun ano como instrumentista xeral, valorándose experiencia cirurxía cardíaca.
Procedemento de selección: valoración dos méritos (55%), probas psicotécnicas (25%) e entrevista persoal (20%).
1 Asistente social. Ref.:AS-RTP.
Titulación: título de asistente social.
Imprescindible dominio do galego.
Experiencia: valorarase experiencia en centros sanitarios con pacientes de tipo oncolóxico.
Procedemento de selección: valoración dos méritos (55%), probas psicotécnicas (25%) e entrevista persoal (20%).
4 Auxiliares administrativos. Ref.: AD-UAT.
titulación: titulación de FP II ou análogo. Imprescindible dominio do galego e do paquete informático Microsoft Office.
Valoraranse coñecementos de inglés falado e escrito.
Experiencia: mínima dun ano en postos administrativos, sendo alomenos seis meses en empresas vencelladas ó sector sanitario.
Valorarase a experiencia como recepcionista-telefonista, así como a atención ó público.
Procedemento de selección: valoración dos méritos (55%), probas psicotécnicas (25%) e entrevista persoal (20%).
Presentación de solicitudes:
Os interesados que cumpran os requisitos esixidos deberán remiti-lo seu currículo dirixido ó Instituto Galego de Medicina Técnica, S.A., Praza Europa 5A, 6ºB (15703-Santiago de Compostela), no prazo improrrogable de vinte días naturais contados a partir do día seguinte ó da publicación do presente anuncio, indicando no sobre a referencia á que se presenta. Deberá presentarse copia compulsada, se é o caso, dos certificados de servicios prestados, dos diplomas acreditativos de cursos, e do título mínimo esixido para cada convocatoria.
Inicio das probas:
As probas non se realizarán antes dun mes desde que se publique esta convocatoria, de acordo co disposto no artigo 4 da Lei 10/1996.
Entre tódolos candidatos que non sexan elixidos e que cumpran os requisitos esixidos na convocatoria, e en función das puntuacións obtidas, confeccionarase unha lista de contratacións temporais, tendo unha vixencia dun ano.
Íñigo Álvarez Canoa
Director xerente do Instituto Galego de Medicina Técnica, S.A.
