O Consello da Xerencia Municipal de Urbanismo, en sesión do día 5 de marzo de 1999, acordou aprobar inicialmente o proxecto de urbanización do plan parcial O Pombal, presentado por José Carlos Alonso Pena, redactado polo enxeñeiro de camiños, canles e portos, Alberto Moreno García, e visado os días 26 de xaneiro e 18 de xuño de 1998, así como o seu complementario de urbanización do camiño de baixada á Pontenova redactado tamén polo mesmo enxeñeiro de camiños e visado o día 26 de outubro de 1998.
Procédese ó trámite de información pública do citado proxecto durante o período dun mes a través de publicación no DOG e nun dos xornais de maior circulación da provincia e no taboleiro de anuncios da Xerencia.
Indícase que o prazo de exposición ó público se entendera aberto desde a primeira publicación ata o remate do mes contado desde o derradeiro anuncio. A documentación atópase na oficina de Información da Xerencia Municipal de Urbanismo ó dispor do público.
Este anuncio servirá de notificación nos termos do artigo 59 de Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou por se ignora-lo seu enderezo, non poidan ser notificados persoalmente.
Vigo, 12 de marzo de 1999.
Manuel Pérez Álvarez
Alcalde-presidente da Xerencia Municipal
de Urbanismo