A Comisión de Goberno, en sesión celebrada o día un de febreiro de mil novecentos noventa e nove acordou aprobar definitivamente o proxecto de urbanización de vía de nova apertura entre a avenida de eduardo Pondal e a rúa Camiño do Gorgullón, formulado mediante iniciativa particular por Promociones Inmobiliarias Ramírez, Sociedad Limitada, instrumento de obras redactado polos arquitectos Eugenio Jiménez Passolas e Carlos Gustavo Pérez Álvarez, visado pola delegación en Pontevedra do COAG en data 24-6-98, e plano de planta de instalación de gas, subscrito por tales técnicos e datado en outubro de 1998, téndose que suxeitar a determinadas condicións.
O que se fai público para a súa executividade, subliñándose que contra este acto administrativo, que esgota a vía administrativa, poderase interpoñer recurso contencioso-administrativo perante o Xulgado do Contencioso-Administrativo de Pontevedra no prazo de dous meses computados a partir do día seguinte a esta publicación, consonte o establecido nos artigos 8-1 e 46-1 da Lei 29-1998, do 13 de xullo, reguladora da xurisdicción contencioso-administrativa. Non obstante, tamén se poderá interpoñer calquera outro recurso que os interesados estimen procedentes consonte a dereito.
Pontevedra, 12 de febreiro do 1999.
Juan Luis Pedrosa Fernández
Alcalde
Julio Dapena Outomuro
Secretario xeral